पीपीएफ, सुकन्या समृद्धी योजना (SSY) यांसारख्या योजना चांगला परतावा मिळवून देतात. (SSY Investment Schemes)
नवी दिल्ली: आपण कधीही जमा केलेला पैसे कठीण काळात उपयुक्त ठरत असतो. भविष्य सुरक्षित करण्यासाठी गुंतवणूक हा एक चांगला मार्ग मानला जातो. अशा परिस्थितीत स्मॉल सेव्हिंग स्कीम्स हा एक उत्तम पर्याय आहे. सरकारच्या अशा अनेक योजना आहेत, ज्या ग्राहकांना 7.6 टक्क्यांपर्यंत उच्च व्याज देतात. पीपीएफ, सुकन्या समृद्धी योजना (SSY), किसान विकास पत्र, राष्ट्रीय बचत प्रमाणपत्र यांसारख्या योजना चांगला परतावा मिळवून देतात. (Best Small Savings Scheme These Investment Schemes Are Giving Interest To Customers Up To 7.6 Percent)
सार्वजनिक भविष्य निर्वाह निधी (PPF)
देशातील सर्वात सुरक्षित आणि उत्तम व्याज देणारी योजना म्हणजे सार्वजनिक भविष्य निधी खाते (PPF). या योजनेंतर्गत पैसे जमा करण्याचा आणखी एक फायदा म्हणजे प्राप्तिकरात सूट मिळवणे होय. या प्रकारामुळे ही योजना सर्वोत्तम गुंतवणुकीची योजना बनली आहे. जर तुम्ही पीपीएफमध्ये महिन्याला 4000 रुपये जमा केले तर तुम्ही 15 वर्षात 7.20 लाख रुपये जमा कराल. त्याचबरोबर या ठेवीवरील व्याज म्हणून तुम्हाला 5.81 लाख रुपये मिळतील. अशा प्रकारे आपल्याला एकूण 1,301,827 रुपयांचा परतावा मिळेल.
सुकन्या समृद्धी योजना (SSY)
ही योजना 10 वर्षांपेक्षा कमी वयाच्या मुलींच्या शिक्षण आणि लग्नासाठी आहे. यामध्ये गुंतवणूकदारास 7.6 टक्के परतावा मिळतो. या योजनेनुसार गुंतवणूकदारांनी खाते उघडण्याच्या तारखेपासून 15 वर्षांच्या कालावधीत रक्कम जमा करावी लागेल, जमा करण्याची जास्तीत जास्त रक्कम 150,000 रुपये असू शकते. खाते उघडण्याच्या तारखेपासून 21 वर्षांनंतर खाते परिपक्व होते. या गुंतवणूक योजनेंतर्गत प्राप्तिकर कायद्याच्या कलम 80 सी अंतर्गत 1.5 लाख रुपयांचा जास्तीत जास्त कर लाभ मिळू शकेल.
राष्ट्रीय पेन्शन योजना
केंद्र सरकारने सरकारी कर्मचार्‍यांसाठी जानेवारी 2004 मध्ये राष्ट्रीय पेन्शन योजना (NPS) सुरू केली. 2009 मध्ये, खासगी क्षेत्रातील कर्मचार्‍यांसाठीही याची सुरुवात केली गेली. दीर्घ मुदतीमध्ये गुंतवणूक केल्यास निवृत्तीनंतर तुम्ही मासिक पेन्शन घेऊ शकता, तसेच एकरकमी मिळण्याची तरतूद आहे. प्राप्तिकर कायदा 1961 च्या कलम 80C अंतर्गत एनपीएसने (NPS) 50,000 आणि त्याहून अधिक कपात करण्याची तरतूद केली आहे.
या योजनेंतर्गत 60 वर्षांपेक्षा जास्त वयाचे किंवा स्वतंत्रपणे किंवा संयुक्तपणे भारतीय नागरिक जास्तीत जास्त 15 लाख रुपयांची गुंतवणूक करू शकतात. या योजनेची प्रारंभिक मुदत पाच वर्षे आहे, जी केवळ तीन वर्षांच्या कालावधीसाठी एकदाच वाढविली जाऊ शकते. या योजनेंतर्गत 7.4 टक्के व्याज मिळते, जे तिमाही आधारावर उपलब्ध आहे. या योजनेंतर्गत जमा केलेली रक्कम कलम 80C अंतर्गत वार्षिक 1,50,000 पर्यंत कपात करण्यास पात्र आहे. या योजनेंतर्गत दिले जाणारे व्याज पूर्णपणे करपात्र आहे, परंतु प्राप्तिकर कायद्याच्या कलम 80TTB अंतर्गत गुंतवणूकदार या योजनेंतर्गत मिळणाऱ्या व्याजातून 50,000 पर्यंत कपात करण्याचा दावा करू शकतात.
ही योजना 5 वर्षांच्या मुदतीसह निश्चित उत्पन्न योजना आहे, ज्यात व्याजाची रक्कम पुन्हा गुंतविता येते. एखादा गुंतवणूकदार वार्षिक दीड लाख रुपयांपर्यंत गुंतवणूक करू शकतो. या व्यतिरिक्त मिळविलेले व्याज करामध्ये समाविष्ट केले आहे. या योजनेच्या लाभांसह 5 वर्षे स्थिर परतावा मिळतो.
(Best Small Savings Scheme These Investment Schemes Are Giving Interest To Customers Up To 7.6 Percent)
(कोणत्याही योजनेत गुंतवणूक करण्यापूर्वी आपल्या आर्थिक सल्लागाराचा सल्ला घ्या)
संबंधित बातम्या
केंद्रीय कर्मचारी आणि पेन्शनधारकांसाठी Good News; महागाई भत्ता लवकरच वाढण्याची शक्यता
पगाराला हात न लावता गुंतवणुकीचा सोपा आणि भन्नाट मार्ग, जबरदस्त फायदा शक्य
