महत्त्वाची बातमी, UPSC चं Mobile App! थेट लिंक, सविस्तर माहिती

UPSCची नवीन रिक्त जागा कधी येणार? यूपीएससीमध्ये कोणती नवी भरती? यूपीएससीची परीक्षा कधी होणार? केंद्रीय लोकसेवा आयोगाच्या माध्यमातून सरकारी नोकरीची तयारी करणाऱ्या कोट्यवधी उमेदवारांसाठी आनंदाची बातमी आहे. अशा असंख्य प्रश्नांची उत्तरे मिळणे आता सोपे झाले आहे. यूपीएससीने आपले मोबाइल ॲप्लिकेशन लाँच केले आहे. गुगल प्ले स्टोअरवर लाँच करण्यात आला आहे. बातमीत दिलेल्या थेट लिंकवरून तुम्ही यूपीएससी मोबाईल ॲप सहज डाऊनलोड करू शकता. या माध्यमातून यूपीएससी भरतीच्या प्रत्येक बातम्या तुम्हाला कुठेही, कधीही मोबाइलवर मिळतील.

संघ लोकसेवा आयोगाच्या अधिकाऱ्यांनी शुक्रवारी, 7 ऑक्टोबर रोजी या ॲपच्या लाँचिंगची माहिती दिली. हे ॲप्लिकेशन सध्या अँड्रॉइड मोबाइल युजर्ससाठी उपलब्ध आहे. सर्व भरती परीक्षांचा तपशील या यूपीएससी ॲपवर उपलब्ध असेल.

सर्व तपशील मोबाइल ॲपवर उपलब्ध असेल, पण फॉर्म भरण्यासाठी कम्प्युटर किंवा लॅपटॉपची मदत घ्यावी लागणारे. ॲपवर अर्ज भरण्याची सोय नसेल, असे अधिकाऱ्यांनी सांगितले.

दरवर्षी लाखो उमेदवार या परीक्षांसाठी अर्ज करतात. एकट्या नागरी सेवा परीक्षेसाठी म्हणजेच यूपीएससी सिव्हिल सर्व्हिसेससाठी दरवर्षी सुमारे 10 लाख उमेदवार अर्ज करतात.

भारतीय प्रशासकीय सेवा (आयएएस), भारतीय परराष्ट्र सेवा (आयएफएस) आणि भारतीय पोलिस सेवा (आयपीएस) यासह एकूण २४ सेवांसाठी ही परीक्षा घेतली जाते.

थेट लिंकवरून UPSC App डाउनलोड करण्यासाठी क्लिक करा.

सध्या यूपीएससीच्या नोकऱ्या, परीक्षा, निकाल यांची प्रत्येक माहिती upsc.gov.in अधिकृत वेबसाइटवर दिली जाते. वेबसाइटचे हे फीचर्स सुरू राहणार आहेत. यूपीएससीचा फॉर्म भरण्यासाठी पूर्वीप्रमाणेच upsconline.nic.in जावं लागणारे.