Thane: तुम्हाला रक्ताची गरज आहे? सावधान! सायबर क्राईमचा बळी ठरण्याआधी ही बातमी वाचा

ठाणे, कधी केवायसी अपडेट तर कधी खाते बंद होण्याचे कारण देत ऑनलाईन लिंक (online link) पाठवून सर्वसामान्यांना लुटणारे सायबर भामट्यांनी (cyber criminal) आता रक्‍ताची गरज असणाऱ्या रुग्णांच्या नातेवाईकांनाच टार्गेट केल्याचा भयंकर प्रकार ठाण्यात समोर आला आहे. माणुसकी विसरलेल्या या चोरांनी रक्‍तपेढीच्या (Blood Bank) नावाने रक्‍ताची गरज असणाऱ्यांना संपर्क साधून त्यांच्या बँक अकाऊंटवर डल्ला मारला आहे. वारंवार अशाच घटना घडल्याने चोरट्यांच्या फसवणुकीला बळी पडलेल्या प्रशांत ठुकरुल यांनी याप्रकरणी पोलीस ठाण्यात तक्रार दिल्यानंतर पोलिसांनी गुन्हा दाखल केला आहे. ठाण्यातील नामांकित रक्तपेढी अशी ओळखा असलेल्या ब्लड ‘लाइन’ या रक्‍तपेढीच्या नावे गरजू रुग्णांना रक्‍त मिळवून देण्याचे आश्वासन देत हजारो रुपयांचा गंडा घातला जात आहे.

अनेक गरजू नागरिक या रक्‍तपेढीमधून रक्‍त घेण्यासाठी तेथील दूरध्वनी क्रमांकावर संपर्क साधतात. साधारणपणे निगेटिव्ह श्रेणीतील रक्‍त उपलब्ध नसल्यास रक्‍तपेढीकडून तसे रुग्णांच्या नातेवाईकांना कळविण्यात येते. मात्र त्यानंतर लगेचच खासगी मोबाईल क्रमांकावरून रुग्णांच्या नातेवाईकांना ‘फोन करत रक्‍त उपलब्ध असल्याचे सांगितले जाते. हीच कार्यपद्धती पुढे गरजूंना सायबर भामट्यांच्या जाळ्यात अडकवतात.

पाच रुपयांच्या बदल्यात हजारोंची वाटमारी

रक्‍त उपलब्ध असल्याचे समजताच ते मिळवण्यासाठी खासगी मोबाईल क्रमांकावरील भामटे संबंधितांना ऑनलाइन लिंक ‘पाठवतात. त्यावर सुरुवातीला रक्‍तासाठी पाच रुपये पाठवा असे सांगितले जाते. ही रक्‍कम येताच संबंधितांच्या बँक खात्यातील संपूर्ण बॅलन्स रिकामा केला जातो.

हे सुद्धा वाचा

Chanakya Neeti: आचार्य चाणक्य यांच्या मते ‘या’ चार लोकांशी चुकूनही करू नये भांडण

Ganeshotsav 2022: गौरी-गणपती सण महिन्यावर, मूर्तीशाळांमध्ये गणेश मूर्तींवर रंगाचा शेवटचा हात फिरवण्याचे काम सुरू

Thane: ठाणे महापालिकेवर लक्ष्मी प्रसन्न! तिजोरीत पडली 300 कोटींची भर

Astrology: ‘या’ राशीच्या लोकांचे गृहकलह संपुष्टात येतील

रक्‍तपेढीचे आवाहन

ब्लड लाइन ही रक्‍तपेढी कोणत्याही प्रकारे रक्‍त देण्यापूर्वी पैसे स्वीकारत नाही. रक्‍त दिल्यानंतरच ना नफा ना तोटा या धर्तीवर पैसे घेण्यात येतात. ऑनलाइन पद्धतीने पैसे भरण्याची कोणतीही सुविधा रक्‍तपेढीने दिलेली नाही. त्यामुळे गरजू रुग्णांना रक्‍त हवे असल्यास त्यांच्या नातेवाईकांनी थेट रक्‍तपेढीत यावे, असे आवाहन डॉ. शिल्पा जैन यांनी केले आहे.