दरोड्यातील रक्कम नेपाळच्या माओवाद्यांना, मुंबईत दया नायक यांच्या पथकाकडून दरोडेखोराला अटक

अंधेरी भागात दरोडा टाकण्यासाठी काही दरोडेखोर येणार असल्याची माहिती वरिष्ठ पोलीस निरीक्षक दया नायक यांना मिळाली होती (Daya Nayak team arrests Maoist Robber)

  • सुधाकर काश्यप, टीव्ही 9 मराठी, मुंबई
  • Published On - 17:17 PM, 24 May 2020
दरोड्यातील रक्कम नेपाळच्या माओवाद्यांना, मुंबईत दया नायक यांच्या पथकाकडून दरोडेखोराला अटक

मुंबई : महाराष्ट्र एटीएसने केलेल्या मोठ्या कारवाईत माओवादी समर्थक दरोडेखोराला अटक करण्यात आली आहे. वरिष्ठ पोलीस निरीक्षक दया नायक यांच्या पथकाने मुंबईतील अंधेरी भागात ही कारवाई केली. (Daya Nayak team arrests Maoist Robber)

अंधेरी भागात दरोडा टाकण्यासाठी काही दरोडेखोर येणार असल्याची माहिती वरिष्ठ पोलीस निरीक्षक दया नायक यांना मिळाली होती. त्या आधारावर त्यांनी आपल्या सहकाऱ्यांसह सापळा लावला होता.

दरोडेखोर हे सध्याच्या लॉकडाऊनचा फायदा उठवून दरोडा टाकण्याच्या तयारीत होते. मात्र आधीच पाळतीवर असलेल्या जुहू युनिटच्या अधिकाऱ्यांनी मस्तकार पेट्रोल पंपाजवळ संशयित व्यक्तीला ताब्यात घेतलं. त्याची झडती घेतली असता त्याच्याकडे देशी बनावटीचं पिस्तुल आणि 3 जिवंत काडतुसे सापडली.

हेही वाचा : इन्स्टाग्रामवरील मैत्री महागात, पेणमध्ये अल्पवयीन मुलीवर लैंगिक अत्याचार

चौकशीत त्याचं नाव दलविरसिंग बालवतसिंग रावत उर्फ राजा उर्फ पप्पू नेपाळी असल्याचं उघडकीस आलं. पप्पू नेपाळी याने आतापर्यंत 30 दरोडे टाकले आहेत. तो मोठमोठे दरोडे टाकायचा.

आरोपी पप्पू हा नेपाळमधील माओवाद्यांच्या संपर्कात होता. दरोड्यात मिळालेली रक्कम तो माओवाद्यांना द्यायचा. त्या पैशाचा वापर घातपाती कारवाया करण्यासाठी केला जात होता.

(Daya Nayak team arrests Maoist Robber)