चकमकीत 5 जहाल नक्षलवाद्यांना अटक, गडचिरोली पोलीस दलाला अभूतपूर्व यश

पेरिमिलीभट्टी जंगल परिसरात पोलीस आणि नक्षलवाद्यांमध्ये झालेल्या चकमकीत पाच जहाल नक्षलवाद्यांना अटक करण्यात आली आहे

Gadchiroli Naxal Arrest, चकमकीत 5 जहाल नक्षलवाद्यांना अटक, गडचिरोली पोलीस दलाला अभूतपूर्व यश

गडचिरोली : पेरिमिलीभट्टी जंगल (Perimili bhatti forest) परिसरात पोलीस आणि नक्षलवाद्यांमध्ये झालेल्या चकमकीत पाच जहाल नक्षलवाद्यांना अटक करण्यात आली आहे (Gadchiroli Naxal Arrest). अबुजमाड जंगल परिसराचा भाग समजल्या जाणाऱ्या परिसरात गडचिरोली पोलीस दलाला अभूतपूर्व यश आलं आहे. अटक केलेल्या नक्षलवाद्यांमध्ये दोन नक्षली कुटूल, नक्षल दलम सदस्य आहेत, तर तीन जनमिलिशिया म्हणून कार्यरत असलेले नक्षलवादी आहेत (Gadchiroli Naxal Arrest).

उपविभाग भामरागड हद्दीत येणाऱ्या उपपोलीस स्टेशन लाहेरी पासुन 35 किमी अंतरावर असलेल्या आणि छत्तीसगड राज्याला लागून असलेल्या मौजा पेरिमिलीभट्टी जंगल परिसरात गडचिरोली पोलीस दलातील सी 60 चे जवान (C-60 Commandos) नक्षलविरोधी अभियान राबवत होते. या अभियानादरम्यान नक्षलवाद्यांनी पोलिसांच्या दिशेनं गोळीबार करण्यास सुरुवात केली. त्यानंतर पोलिसांनी नक्षवाद्यांच्या गोळीबाराला प्रत्युत्तर देत गोळीबार केला.

पोलिसांनी गोळाबार करताच नक्षलवाद्यांनी घनदाट जंगलाचा फायदा घेत पळून जाण्याचा प्रयत्न केला. मात्र, सी 60 कामांडोनी नक्षलवाद्यांचा शौर्यपूर्ण पाठलाग केला आणि पाच जहाल नक्षलवाद्यांना पकडले. अटक केलेल्या नक्षलवाद्यांमध्ये रैणू सोनू वड्डे, बंडू चक्कु वड्डे, सुखराम सोमा उसेंडी, दोघे इरपा उसेडी आणि केये सायबी वड्डे यांचा समावेश आहे. पोलिसांनी या नक्षलवाद्यांकडून तीन बंदुकी जप्त केल्या आहेत.

कमेंट करा

कमेंट करा

Your email address will not be published. Required fields are marked *