आईने मुलाला रुग्णालयात सोडले, डॉक्टरांनी मंदिराबाहेर फेकले, नवजात बालकाचा मृत्यू

आंध्रप्रदेशात एका नवजात बालकाचा मृत्यू झाला आहे. माचिलीपटनम येथील एका खासगी रुग्णालयात जन्मलेल्या नवजात बालकाला त्याच्या आईने रुग्णालयात (Mother leaves baby boy in hospital) सोडले आणि तेथूप पळ काढला.

आईने मुलाला रुग्णालयात सोडले, डॉक्टरांनी मंदिराबाहेर फेकले, नवजात बालकाचा मृत्यू

हैदराबाद : आंध्रप्रदेशात एका नवजात बालकाचा मृत्यू झाला आहे. माचिलीपटनम येथील एका खासगी रुग्णालयात जन्मलेल्या नवजात बालकाला त्याच्या आईने रुग्णालयात (Mother leaves baby boy in hospital) सोडले आणि तेथून पळ काढला. त्यानंतर डॉक्टरांनीही या नवजात बालकाला मंदिराबाहेर सोडले. त्यामुळे या बालकाचा मृत्यू (Mother leaves baby boy in hospital) झाला. या धक्कादायक घटनेमुळे परिसरात रुग्णालयाविरुद्ध संताप व्यक्त केला जात आहे.

मंदिराबाहेर मुलगा रडत असल्याचे पाहून स्थानिकांनी पोलिसांना कळवले. पोलिसांनी तातडीने या बालकाला जिल्हा रुग्णालयात दाखल केले. जिल्हा रुग्णालयाने 2 ऑक्टोबर रोजी नवजात बालकाला विजयवाडाच्या रुग्णालयात घेऊन जाण्यास सांगितले. मात्र विजयवाडाच्या रुग्णालयात बालकाचा मृत्यू झाला, असं पोलिसांनी सांगीतले.

नवजात बालकाला त्याच्या आईने माचिलीपटनम येथील एका रुग्णालयात सोडले होते. त्यादिवशी डॉ. धनवंतरी श्रीनीवासाचार्य आणि एएनएम बेबी राणी यांच्या नेत्रृत्वात रुग्णालयाच्या कर्माचाऱ्यांनी नवजात बालकाला मंदिराबाहेर सोडले, असं पोलिसांनी सांगितले.

जन्म देणारी महिला अविवाहीत होती. त्यामुळे तिने या मुलाला रुग्णालयात सोडले आणि तेथून फरार झाली. या प्रकरणात एका डॉक्टराला आणि त्याच्या सहकाऱ्याला पोलिसांनी अटक केली आहे. तसेच फरार असलेल्या महिलेचाही पोलीस शोध घेत आहेत.

कमेंट करा

कमेंट करा

Your email address will not be published. Required fields are marked *