गुन्हेगारासोबत लग्न केल्याचा राग, पुण्यात भावाकडूनच तरुणीची हत्या
गुन्हेगाराशी प्रेमविवाह केल्याने चुलत भावाने बहिणीची गळा आवळून हत्या केल्याची धक्कादायक घटना चिंचवडमधील दळवीनगर येथे घडली आहे.
पुणे : गुन्हेगाराशी प्रेमविवाह केल्याने चुलत भावाने बहिणीची गळा आवळून हत्या केल्याची धक्कादायक घटना चिंचवडमधील दळवीनगर येथे घडली आहे. हत्येनंतर आरोपी संतोष भोंडवे याने स्वतः पोलीस स्टेशनमध्ये जाऊन गुन्ह्याची कबुली दिली. या घटनेने नात्यालाच काळीमा फासल्याची चर्चा परिसरात सुरु आहे. ऋतुजा भोंडवे असे मृत मुलीचे नाव आहे.
ऋतुजा भोंडवे हिने दीड वर्षांपूर्वी सराईत गुन्हेगार कांच्या वाघ याच्याशी प्रेमविवाह केला होता. काही दिवसांपासून ऋतुजा सासरी वाद झाल्याने माहेरी आली होती. यावेळी चुलत भाऊ संतोष आणि ऋतुजामध्ये तिच्या प्रेमविवाहावरून वाद झाला. यावेळी चिडलेल्या संतोषने रागाच्याभरात दोरीच्या साहाय्याने गळा आवळून ऋतुजाचा खून केला. यानंतर पोलीस घटनास्थळी दाखल झाले आहेत.
पोलीस या संपूर्ण घटनेचा तपास करत असून हत्येच्या कारणांचा सर्वच बाजूने विचार करत आहेत. या हत्येला संपत्तीच्या वादाची किनार आहे का? याचाही विचार करण्यात येत आहे.