सांगलीतल्या खंडणीखोर गुंडांची पोलिसांकडून भर रस्त्यावरुन धिंड

सांगलीतल्या खंडणीखोर गुंडांची पोलिसांकडून भर रस्त्यावरुन धिंड

सांगली : खंडणीची मागणी करत व्यावसायिक जितेंद्र परदेशी यांच्यावर खुनी हल्ला करणाऱ्यांची पोलिसांनी धिंड काढली. सोनम बाळू शिंदे, मुज्ज्मिल शेख, नितीन पालकर आणि जयेश माने अशी या गुंडांची नावं असून, या गुंडांना पोलिसांनी शुक्रवारी  घटनास्थळावर नेलं आणि शहराच्या प्रमुख मार्गावरुन धिंड काढली.  या गुंडांची धिंड पाहण्यासाठी इस्लामपूर शहरात मोठी गर्दी जमा झाली होती. त्यामुळे काही काळ वाहतूककोंडीही झाली होती.

व्यावसायिक जितेंद्र परदेशी याना 15 जानेवारी रोजी गुंड सोनम  शिंदे, मुज्ज्मिल शेख, नितीन पालकर आणि जयेश माने यांनी  शिवीगाळ करत मारहाण केली होती. त्यानंतर परदेशींवर कोयत्याने वार केले होते. परदेशी यांनी स्वसंरक्षणासाठी गुंड सोनमच्या हातातील कोयते हिसकावून घेतला आणि पायावर वार केला.

या घटनेनंतर इस्लामपूर पोलिसांनी चारही गुंडांना ताब्यात घेतले आणि त्यानंतर घटनास्थळी नेऊन त्यांची धिंडही काढली.

दरम्यान, धिंड काढलेल्या गुंडांची इस्लामपूरमधील अड्डे पोलिसांनी उद्ध्वस्त करुन टाकली आहेत. इस्लामपूर येथील झेंडा चौक येथे या चार गुंडांनी बेकायदेशीरपणे शेड टाकली होती आणि तिथून हे गुंडगिरी करत लोकांना त्रास देत असत.

कमेंट करा

कमेंट करा

Your email address will not be published. Required fields are marked *