ठाण्यात ऑफिसमध्ये घुसून पत्नीची चाकूने भोसकून हत्या

ठाण्यात ऑफिसमध्ये घुसून पत्नीची चाकूने भोसकून हत्या

भाईंदर (ठाणे) : पत्नीच्या ऑफिसमध्य घुसून पत्नीची हत्या केल्याची खळबळजनक घटना ठाणे जिल्ह्यातील भाईंदर येथे घडली आहे. या घटनेनंतर पत्नी वीणा भोईर यांना तातडीने जवळील हॉस्पिटलला नेण्यात आले. मात्र, त्या मृत्यूमुखी पडल्याचे डॉक्टकरांनी घोषित केले. भाईंदर पश्चिमेकडे स्टेशन रोडवर असलेल्या वेंकेटेश्वर इमारतीत ही घटना घडली.

वीणा भोईर या ऑफिसमध्ये गेल्या होत्या. पती अचानक ऑफिसात घुसला आणि चाकूने सपासप वार करत वीणा यांना जखमी केलं. वीणा यांचा जागीच मृत्यू झाला. मात्र, तरीही त्यांना हॉस्पिटलला नेण्यात आले. मात्र, तिथे डॉक्टरांनी वीणा यांना मृत घोषित केले.

वीणा भोईर यांची पतीने हत्या का केली, हे अद्याप कळू शकलेलं नाही. मात्र, आरोपी पतीने पत्नी वीणा भोईर यांच्या हत्या प्रकरणी स्वत:ला भाईंदर पोलिसांच्या स्वाधीन केले आहे. त्यामुळे आरोपी पतीकडूनच वीणा यांच्या हत्येचं नेमकं कारण कळू शकेल.

भाईंदर पोलिसांनी आरोपीला ताब्यात घेत, अटकेची कारवाई केली आहे. पोलिसांनी आरोपी पतीची चौकशी सुरु केली असून, वीणा यांच्या हत्येचं कारण चौकशीत समोर येईल, असा विश्वास पोलिसांनी व्यक्त केला आहे.

कमेंट करा

कमेंट करा

Your email address will not be published. Required fields are marked *