केंद्र सरकार करणार इतक्या हजार शिक्षकांची भरती; केंद्रीय मंत्री अमित शाह यांनी केलं ट्वीट
ही परीक्षा नॅशनल टेस्टिंग एजंसीच्या माध्यमातून घेतली जाणार आहे. ही भरती तीन वर्षात केली जाणार आहे. ७४० एकलव्य मॉडल स्कूलमधून साडेतीन लाख आदिवासी विद्यार्थी शिक्षण घेतील.
नवी दिल्ली : केंद्र सरकार ३८ हजार शिक्षकांची भरती करणार आहे. देशात ७४० एकलव्य मॉडल स्कूल (Eklavya Model School) होणार आहेत. केंद्रीय अर्थसंकल्पात अर्थमंत्री निर्मला सीतारामण यांनी हे जाहीर केलं होतं. शनिवारी झारखंडच्या (Jharkhand) देवघर येथील विजय संकल्प रॅलीत गृहमंत्री अमित शाह (Amit Shah) यांनी याची माहिती दिली. अमित शाह म्हणाले, देशात सात लाख रुपये उत्पन्नावर कोणताही कर लागणार नाही. आदिवासी समुदायाच्या विकासासाठी ७४० एकलव्य मॉडल स्कूल स्थापन केले जाणार आहेत. ३८ हजार ८०० शिक्षकांची भरती केली जाणार आहे.
एक फेब्रुवारी २०२३ ला भारत सरकारने अर्थसंकल्प सादर केला. यावेळी अर्थमंत्री निर्मला सीतारामण यांनी नॅशनल डिजीटल लायब्ररीसह काही योजना जाहीर केल्या. यात प्रामुख्याने ७४० एकलव्य मॉडलच्या स्कूल सुरू करण्यात येणार आहेत. तसेच ३८ हजार ८०० शिक्षकांची भरती केली जाणार आहे.
१५७ नवीन नर्सिंग कॉलेज
मेडिकल शिक्षणाला प्रोत्साहन देण्यासाठी १५७ नवीन नर्सिंग कॉलेज सुरू केले जाणार आहेत. शिवाय मेडिकल साहित्य प्रशिक्षणासाठी नवीन कार्यक्रम सुरू केला जाणार आहे. यासंदर्भात अमित शाह यांनी ट्वीटही केलं आहे.
In this Union Budget, there will be no tax on income up to Rs 7 lakhs. For our tribals, 740 Eklavya Model schools will be established & 38,000 teachers will be recruited: Union Home Minister Amit Shah at Deoghar, Jharkhand pic.twitter.com/7zON2A0Soc
— ANI (@ANI) February 4, 2023
एकलव्य मॉडल निवासीय विद्यालयांसाठी शिक्षक आणि साहाय्यक कर्मचाऱ्यांच्या ३८ हजार ८०० जागा भरल्या जाणार आहेत. यासाठी एकलव्य शिक्षक कर्मचारी निवड परीक्षा होणार आहे.
साडेतीन लाख विद्यार्थी शिक्षण घेतील
ही परीक्षा नॅशनल टेस्टिंग एजंसीच्या माध्यमातून घेतली जाणार आहे. ही भरती तीन वर्षात केली जाणार आहे. ७४० एकलव्य मॉडल स्कूलमधून साडेतीन लाख आदिवासी विद्यार्थी शिक्षण घेतील.