आयुष्मानचा ‘शुभ मंगल ज्यादा सावधान’चा ट्रेलर अखेर प्रदर्शित
हा सिनेमा 2017 मधील आयुष्मान आणि अभिनेत्री भूमी पेडणेकरच्या ‘शुभ मंगल सावधान’चा स्पिन ऑफ आहे. या सिनेमाच्या ट्रेलरमध्ये आयुष्मान हा समलैंगिक प्रेमीच्या भूमिकेत दिसतो आहे.
मुंबई : बॉलिवूड अभिनेता आयुष्मान खुराना याच्या बहुप्रतिक्षित ‘शुभ मंगल ज्यादा सावधान’चा ट्रेलर अखेर प्रदर्शित झाला आहे (Shubh Mangal Zyada Saavdhan Trailer). हा सिनेमा 2017 मधील आयुष्मान आणि अभिनेत्री भूमी पेडणेकरच्या ‘शुभ मंगल सावधान’चा स्पिन ऑफ आहे. या सिनेमाच्या ट्रेलरमध्ये आयुष्मान हा समलैंगिक प्रेमीच्या भूमिकेत दिसतो आहे. यामध्ये त्याच्यासोबत अभिनेता जितेंद्र कुमार हा प्रेमीच्या भूमिकेत आहे (Shubh Mangal Zyada Saavdhan Trailer).
आयुष्मान आणि जितेंद्र व्यतिरिक्त या सिनेमात ‘बधाई हो’ या सिनेमातील आपल्या विनोदी अभिनयाने सर्वांची मनं जिंकलेले अभिनेत्री नीना गुप्ता आणि अभिनेता गजराज राव यांची जोडी पुन्हा एकदा पाहायला मिळणार आहे. त्यामुळे हा सिनेमा प्रेक्षकांना पोट धरुन हसायला लावणार हे नक्की. सिनेमाचा ट्रेलर प्रदर्शित होताच काहीच मिनिटांमध्ये या सिनेमाने लाखो व्ह्यूज मिळवले.
आयुष्यमान जो ही सिनेमा हाती घेतो त्याची कथा ही नेहमी हटके असते. हाच आयुष्मानचा युएसपी आहे. त्यामुळे आयुष्मानने खूप कमी कालावधीत सिनेसृष्टीत त्याचं एक वेगळं स्थान कमावलं आहे. आयुष्मानचा चाहता वर्गही खूप मोठा आहे. त्याचे चाहते नेहमीच त्याच्या सिनेमांची वाट पाहत असतात. ‘शुभ मंगल ज्यादा सावधान’ची टीझर प्रदर्शित झाल्यापासूनच या सिनेमाच्या ट्रेलरची उत्सुकता सर्वांना लागून होती.
त्यानंतर अखेर या सिनेमाचा ट्रेलर प्रदर्शित झालाय आयुष्मानने त्याच्या सोशल मीडिया अकाऊंटवर या सिनेमाचं पोस्टर शेअर करत लवकरच ट्रेलर प्रदर्शत होणार असल्याची माहिती दिली होती. तसेच, हा सिनेमा एक कौटुंबिक सिनेमा असून समाजात एक महत्त्वाचा संदेश देण्यासाठी तयार करण्यात आला आहे.
‘शुभ मंगल ज्यादा सावधान’ या सिनेमाचं दिग्दर्शन हितेश केवालिया यांनी केलं आहे. तर आनंद एल राय हे या सिनेमाचे निर्माते आहेत. येत्या 21 फेब्रुवारी हा सिनेमा प्रदर्शित होणार आहे.