'इतनी शक्ति हमे देना दाता'चे रचनाकार अभिलाष कालवश, कर्करोगाशी झुंज संपली

अभिलाष (lyricist Abhilash) यांना यकृताचा कर्करोग (Liver Cancer) झाला होता. गेल्या 10 महिन्यांपासून आजार बळावल्याने ते अंथरुणाला खिळले होते.

'इतनी शक्ति हमे देना दाता'चे रचनाकार अभिलाष कालवश, कर्करोगाशी झुंज संपली

मुंबई : ‘अंकुश’ या चित्रपटातील ‘इतनी शक्ती हमें देना दाता’ या गाण्याचे गीतकार अभिलाष (lyricist Abhilash) यांचे मुंबईत निधन झाले आहे. 74 वर्षीय अभिलाष यांनी रविवारी गोरेगाव येथील राहत्या घरी अखेरचा श्वास घेतला. अभिलाष गेल्या काही महिन्यांपासून यकृताच्या कर्करोगाशी (Liver Cancer) झुंज देत होते. मागील 10 महिन्यांपासून ते अंथरुणाला खिळून होते. आर्थिक अडचणींमुळे त्यांचे यकृत प्रत्यारोपण होऊ शकले नव्हते. दरम्यान, आज (28 सप्टेंबर) पहाटे 4 च्या सुमारास त्यांच्यावर अंत्यसंस्कार करण्यात आले (Itani Shakti hame dena data fame lyricist Abhilash Passed away due to liver cancer).

‘इतनी शक्ती हमे देन दाता…’ 8 भाषांत अनुवादित झाले

गीतकार अभिलाष (lyricist Abhilash) यांनी 1985मध्ये ‘अंकुश’ या चित्रपटासाठी रचलेली प्रार्थना ‘इतनी शक्ती हमे देन दाता…’ विशेष गाजली. या प्रार्थनेचा 8 भाषांमध्ये अनुवाद देखील करण्यात आला आहे. आजही अनेक शाळांमध्ये ही प्रार्थना म्हटली जाते. या प्रार्थनेसोबतच अभिलाष यांनी ‘सांझ भई घर आजा’, ‘आज की रात न जा’, ‘वो जो खत मुहब्बत में’, ‘तुम्हारी याद के सागर में’, ‘संसार है इक नदिया’, ‘तेरे बिन सूना मेरे मन का मंदिर’ ही गाणी रचली होती. याशिवाय ‘रफ्तार’ (1975), ‘जहरिली’ (1977), ‘सावन को आने दो’ (1979), ‘लाल चूडा’ (1974), ‘अंकुश’ (1986), ‘हलचल’ (1995) आणि ‘मोक्ष’ (2013) सारख्या चित्रपटांसाठीदेखील त्यांनी गाणी लिहिली होती. गीतकार अभिलाष यांना माजी राष्ट्रपती ज्ञानी जैल सिंह यांच्या हस्ते ‘कलाश्री पुरस्कार’ देऊन गौरवण्यात आले होते.

वयाच्या 12व्या वर्षी गीत लेखनाची सुरुवात

13 मार्च 1946 रोजी दिल्लीत अभिलाष (lyricist Abhilash) यांचा जन्म झाला. अभिलाष यांचे वडील व्यावसायिक होते. अभिलाष यांनीदेखील व्यवसायमध्ये हातभार लावावा, अशी त्यांच्या वडिलांची इच्छा होती. मात्र, अभिलाष यांची रूची कला-साहित्या क्षेत्राकडे होती. वयाच्या 12व्या वर्षापासूनच अभिलाष कविता लिहायला लागले होते. मॅट्रिक झाल्यानंतर त्यांनी कवितांचे कार्यक्रम सादर करायला सुरुवात केली.(Itani Shakti hame dena data fame lyricist Abhilash Passed away due to liver cancer)

आजारपणामुळे आर्थिक परिस्थिती खालावली

अभिलाष (lyricist Abhilash) यांना यकृताचा कर्करोग (Liver Cancer) झाला होता. गेल्या 10 महिन्यांपासून आजार बळावल्याने ते अंथरुणाला खिळले होते. काही कालावधी पूर्वी त्यांची आतड्यांची शस्त्रक्रिया झाली होती. यामुळे त्यांच्या चालण्या-फिरण्यावर बंधने आली होती. या आजारपणात जवळचे सगळे पैसे संपले. सुरुवातीला त्यांना काही ठिकाणाहून मदत मिळाली होती. मात्र, आर्थिक चणचणीमुळे त्यांची यकृत प्रत्यारोपण शस्त्रक्रिया रखडली होती.

(Itani Shakti hame dena data fame lyricist Abhilash Passed away due to liver cancer)

संबंधित बातम्या : 

ज्येष्ठ अभिनेत्री सरोज सुखटणकर ​यांचं 84 व्या वर्षी निधन

Ashalata Wabgaonkar | ज्येष्ठ अभिनेत्री आशालता वाबगावकर यांचे कोरोनामुळे निधन, मालिकेच्या शुटींगदरम्यान लागण

सूरांचा बादशाह हरपला, ज्येष्ठ पार्श्वगायक एसपी बालासुब्रमण्यम यांचे निधन

 

कमेंट करा

कमेंट करा

Your email address will not be published. Required fields are marked *