जेठालाल तारक मेहता कार्यक्रमातील सर्वात महागडा कलाकार!

जेठालाल तारक मेहता कार्यक्रमातील सर्वात महागडा कलाकार!

मुंबई : टीव्हीवरील लोकप्रिय विनोदी मालिका ‘तारक मेहता का उल्टा चश्मा’ या कार्यक्रमाबद्दल सध्या अनेक चर्चा सुरु आहेत. या कार्यक्रमातील प्रमुख भूमिकेतील अभिनेत्री दिशा वकानी म्हणजेच दया बेन यांनी कार्यक्रमातून काढता पाय घेतला आहे आणि सोनू म्हणजेच निधी भानुशालीनेही अभ्यास करण्यासाठी कार्यक्रम सोडल्याची चर्चा सध्या सर्वत्र रंगली आहे. अभिनेत्री दिशा वकानी हिने कार्यक्रमात काम करण्यासाठी शूटींगच्या वेळेसह पैशासंदर्भात काही अटी ठेवल्या होत्या. मात्र या अटी मान्य न झाल्याने दिशाने कार्यक्रम सोडला. नुकतंच कार्यक्रमातील कलाकारांचे मानधन वाढवण्यात आलं आहे. या मानधनात सर्वात महागडा कलाकार म्हणून जेठलाल म्हणजेच दिलीप जोशी ठरले आहेत.

तारक मेहता का उल्टा चश्मामधील सर्वात महागडा कलाकार म्हणून दया बेनचे पती आणि टपू के पापा जेठलाल ठरले आहेत. या नवीन पॅकेजनुसार दिलीप जोशी यांना एका एपिसोडचे एक लाख 50 हजार रुपये दिले जाणार आहेत. या मालिकेतील दोन प्रमुख भूमिका साकारणाऱ्या दया बेन, जेठा लाल या दोघांनी प्रेक्षकांना प्रचंड हसवले आहे. तसेच हा कार्यक्रम सुरु झाल्यापासून आतापर्यंत दया बेन आणि जेठालाल यांना प्रचंड लोकप्रियता मिळाली आहे.

दिशा वकानी जेव्हा कार्यक्रमात काम करत होती तेव्हा तिला एका भागासाठी एक लाख 20 हजार रुपये मानधन दिले जात होते. त्यानंतर निर्मात्यांनी दिशाला 50 हजार रुपये वाढवण्याचे आश्वासन दिले होते. मात्र ते पूर्ण न झाल्याने दिशाने कार्यक्रमातून काढता पाय घेतला. सध्या तारक मेहता का उल्टा चश्मा या कार्यक्रमातील प्रत्येक महिला कलाकारांना 30 ते 35 हजार रुपये प्रती भाग मिळतात.

कार्यक्रमातील कलाकारांची फी

कार्यक्रमात तारक मेहताची भूमिका साकारणारे कवी शैलेश लोढा यांना प्रत्येक भागासाठी एक लाख रुपये ठरवून दिले आहेत. तसेच अय्यर भाईची भूमिका साकारणारे तनुज महाशब्दे आणि गुरुचरण सिंह सोढी यांना 65 ते 80 हजार रुपयांपर्यंत दिले जातात. बाबूजी, चंपक लाल म्हणजेच अमित भट्ट याला प्रत्येक भागासाठी 70 ते 80 हजार, आत्माराम भिडे म्हणजे मंदार चंदावरकरला 80 हजार, अब्दुल म्हणजे शरद संकला 35 ते 40 हजार, डॉक्टर हाथी म्हणजे निर्मल सैनीला 20 ते 25 हजार आणि टप्पू सेनाच्या प्रत्येक सदस्याला 20 हजार रुपये प्रति एपिसोड दिले जातात.

कमेंट करा

कमेंट करा

Your email address will not be published. Required fields are marked *