Gangubai Kathiawadi: आलिया भट्ट आणि संजय लीला भन्साळी यांना मुंबई उच्च न्यायालयाचा दिलासा, ‘गंगूबाई काठियावाडी’ मानहानीच्या खटल्याला स्थगिती
संजय लीला भन्साळी दिग्दर्शित 'गंगूबाई काठियावाडी' या चित्रपटात आलिया भट्टने मुख्य भूमिका साकारली आहे. या चित्रपटातील एका बोल्ड व्यक्तिरेखेसाठी आलियाची निवड करण्यात आली होती. यामुळे सर्वांनाच आश्चर्याचा धक्का बसला होता.
मुंबई : संजय लीला भन्साळी यांच्या ‘गंगुबाई काठियावाडी'(Gangubai Kathiawadi) चित्रपटाच्या मानहानीच्या मुंबई उच्च न्यायालयाने स्थगिती दिल्याने आलिया भट्ट आणि संजय लीला भन्साळी यांना दिलासा मिळाला आहे. संजय लीला भन्साळी यांचा जवळपास प्रत्येक चित्रपट वादात सापडतो. आगामी ‘गंगुबाई काठियावाडी’ या चित्रपटावरही एका वादाची भर पडली आहे. त्यांच्या या चित्रपटावर मानहानीचा खटला दाखल करण्यात आला होता, मात्र न्यायालयाने या प्रकरणाला स्थगिती देऊन या चित्रपटाशी संबंधित लोकांना दिलासा दिला आहे.
संजय लीला भन्साळी दिग्दर्शित ‘गंगूबाई काठियावाडी’ या चित्रपटात आलिया भट्टने मुख्य भूमिका साकारली आहे. या चित्रपटातील एका बोल्ड व्यक्तिरेखेसाठी आलियाची निवड करण्यात आली होती. यामुळे सर्वांनाच आश्चर्याचा धक्का बसला होता. पण आपण ही व्यक्तिरेखा साकारू शकते, असे आलियाने टीझरमध्ये सांगितले होते. हा चित्रपट प्रसिद्धीझोतात आल्यानंतर या चित्रपटावर मानहानीचा खटला दाखल करण्यात आला होता. आता मुंबई उच्च न्यायालयाने बुधवारपासून या प्रकरणाला स्थगिती दिली आहे. यासाठी दिग्दर्शक संजय लीला भन्साळी आणि आलिया भट्ट यांना नामांकन देण्यात आले होते.
गंगूबाई कोठेवाली यांच्या जीवनावर चित्रपट असल्याचा दावा
हुसैन जैदी यांच्या ‘द माफिया क्वीन ऑफ मुंबई’ या कादंबरीच्या एका अध्यायावर हा चित्रपट आधारित आहे. हा चित्रपट गंगुबाई कोठेवाली यांच्या जीवनावर आधारित आहे. चित्रपटाच्या अनेक भागांमध्ये गंगूबाईसाठी अपमानास्पद शब्द वापरण्यात आले आहेत. त्यांची प्रतिमा मलीन करण्याचा प्रयत्न केला आहे, असे स्वत:ला गंगूबाईचा दत्तक मुलगा म्हणून सांगणारे बाबूजी शहा यांचे म्हणणे होते. याच आधारे ते चित्रपटाच्या प्रदर्शनावर बंदी घालण्याची मागणी करत होते. यानंतर निर्मात्यांवर मानहानीचा खटलाही दाखल करण्यात आला होता. मात्र, आता या प्रकरणाला मुंबई उच्च न्यायालयाने स्थगिती दिली आहे.
चित्रपटात अजय देवगण देखील एका खास भूमिकेत दिसणार
गंगूबाई काठियावाडी हा मुंबईतील कोठेवाली कथेवर आधारित क्राइम ड्रामा चित्रपट आहे. ज्याचा तिथल्या गुन्ह्याशी खोलवर संबंध आहे. या चित्रपटात आलिया भट्ट मुख्य भूमिकेत आहे. तर अजय देवगण, विजय राज आणि शंतनू महेश देखील चित्रपटात दिसणार आहेत. संजय लीला भन्साळी या चित्रपटाचे दिग्दर्शन आणि निर्मिती करत आहेत. आधी जानेवारीमध्ये हा चित्रपट रिलिज होणार होता. मात्र आता हा चित्रपट पुढील वर्षी 18 फेब्रुवारी 2022 रोजी थिएटरमध्ये प्रदर्शित होणार आहे. (Mumbai High Court grants relief to Alia Bhatt and Sanjay Leela Bhansali about Gangubai Kathiawadi movie)
इतर बातम्या
83 The Film | रणवीर सिंहच्या ’83’साठी दिग्गजांना मिळालंय भरगोस मानधन, पाहा कोणाला किती पैसे मिळाले…
