Corona Live : दिवसभरातील महत्त्वाच्या घडामोडी

Corona Live : दिवसभरातील महत्त्वाच्या घडामोडी
Picture

नागपूर जिल्ह्याला लागून असलेल्या परराज्यातील सीमा बंद करण्याची शक्यता

20/03/2020,12:05PM
Picture

नागपुरात जनजागृतीसाठी विशेष मोहिम

नागपुरात कोरोनाच्या जनजागृतीसाठी कचरा गाड्यांच्या मदतीनं आजपासून विशेष मोहिम राबवण्यात येत आहे. प्रत्येक वस्तीत ‘मी तुकाराम मुंढे बोलतेय, आपले हात स्वच्छ धुवा’ ची ध्वनिफीत वाजवली जात आहे. आयुक्त तुकाराम मुंढे कोरोनापासून सुरक्षित राहण्याच्या टिप्स देत आहेत. कचरासंकल करणाऱ्या वाहनांच्या माध्यमातून शहरातील कानाकोपऱ्यात जनजागृती केली जात आहे.

20/03/2020,12:02PM
Picture

अहमदनगर शहरासह संपूर्ण जिल्हा बंद

अहमदनगर शहरासह संपूर्ण जिल्हा बंद करण्यात आला आहे. शहरातील सर्व दुकाने, हॉटेल बंद आहेत. संपूर्ण शहरात शुकशुकाट आहे. अत्यावश्यक सेवा वगळता सर्वच व्यवसायिकांनी आपली दुकाने बंद ठेवले आहेत.

20/03/2020,11:59AM
Picture

धनगर साहित्य संमेलन पुढे ढकलले

सोलापूर येथे होणारे धनगर साहित्य संमेलन पुढे ढकलले आहे. सांगोला येथे 28 आणि 29 तारखेला चौथे धनगर साहित्य संमेलन होणार होते. कोरोना संसर्गाच्या पार्श्वभूमीवर संमेलन पुढे ढकलले.

20/03/2020,11:54AM
Picture

कोरोनाचा कोल्हापुरी चप्पल आणि पर्यटन व्यवसायालाही फटका

कोरोनाचा कोल्हापुरी चप्पल आणि पर्यटन व्यवसायालाही फटका बसला आहे. पर्यटक नसल्याने चप्पल लाईनमधील दिवसाचे आठ ते नऊ लाखांची उलाढाल ठप्प झाली आहे.

20/03/2020,11:51AM
Picture

केडीएमसी प्रशासनाच्या आदेशानंतरही कल्याणमध्ये दुकाने सुरुच

कल्याणमध्ये केडीएमसी प्रशासनाच्या आदेशानंतरही काही दुकाने सुरु आहेत. पोलिसांच्या आवाहनानंतर दुकाने बंद करण्यात आली. काही व्यापारी आदेश न मानण्याच्या मनस्थितीत आहेत. कोरोनाच्या पार्श्वभूमीवर जीवनावश्यक वस्तू वगळून सर्व दुकाने बंद ठेवण्याचे आदेश दिले आहेत.

20/03/2020,11:40AM
Picture

नाशिकचा ऐतिहासिक सराफ बाजार आजपासून बंद

कोरोनाचा प्रादुर्भाव रोखण्यासाठी नाशिकचा सराफ बाजार आजपासून बंद ठेवण्यात येणार आहे. सराफ असोसिएशनने हा निर्णय घेतला आहे. शासनाचे पुढील आदेश येईपर्यंत बंद राहणार आहे.

20/03/2020,8:46AM
Picture

कोरोनाच्या धसक्याने प्रतिष्ठीत कान्स इंटरनॅशनल फिल्म फेस्टीवलच्या तारखेत बदल

कोरोनाच्या धसक्याने प्रतिष्ठीत कान्स इंटरनॅशनल फिल्म फेस्टीवलच्या तारखेत बदल करण्यात आला आहे. 12 मे ते 23 मे दरम्यान हा कार्यक्रम होता. आता याच्या तारखेत बदल करुन जून किंवा जुलैच्या पहिल्या आठवड्यात होणार असल्याचे सांगितलं जात आहे.

20/03/2020,8:43AM
Picture

नागपुरातील कोरोना रुग्णाचे दुसऱ्या टप्प्यातील अहवाल निगेटिव्ह

नागपुरात दिलासादायक चित्र समोर आलं आहे. पहिल्या रुग्णांचे दुसऱ्या टप्प्यातील अहवाल निगेटिव्ह आले आहेत. तपासण्या निगेटिव्ह आल्याने पहिल्या रुग्ण आयसोलेशनमधून बाजूच्या वॉर्डात ठेवण्यात आले आहे.

20/03/2020,8:38AM
Picture

पुण्याची लॉक डाऊनच्या दिशेने वाटचाल

पुण्यात लवकरच लॉक डाऊन होण्याची शक्यता वर्तवली जात आहे. शहरातील सर्व दुकानं, व्यापार, हॉटेल्स पुढील आदेश येईपर्यंत बंद ठेवण्यात आले आहेत. शहरातील सुमारे 82 संघटनांचा बंदमध्ये सहभाग आहे. सुमारे 35 ते 40 हजार दुकानदार, व्यावसायिक यात सहभागी झाले आहेत. अत्यावश्यक सेवा मात्र सुरूच राहणार आहेत. कोरोनाचा संसर्ग टाळण्यासाठी व्यापारी महासंघाने हा निर्णय घेतला आहे.

20/03/2020,8:32AM
Picture

पुणे आंतरराष्ट्रीय विमानतळावर कोरोनाची तपासणी

पुणे विमानतळावर कोरोनाची तपासणी करण्यात येत आहे. आज 20 मार्च रोजी Dubai To Pune फ्लाईट पुणे येथे पहाटे 4 वाजता पोहोचले. त्यामध्ये एकूण 115 भारतीय प्रवासी आहेत. सर्वांची वैद्यकीयदृष्ट्या तपासणी करण्यात आलेली आहे. सदर तपासणीमध्ये कोरोना संशयित रुग्ण कोणीही आढळून आलेले नाहीत. तसेच यामध्ये एका नागरिकाने स्वत स्वतःहून आजारी (कफ) असल्याचे लेखी पत्रकात नमूद केले होते. त्यामुळे त्याला पुण्यातील नायडू हॉस्पिटल येथे पाठवण्यात आले आहे.

20/03/2020,8:30AM
कमेंट करा

कमेंट करा

Your email address will not be published. Required fields are marked *