कोरोना पाठोपाठ सारीचंही संकट, अहमदनगरसह जालना आणि नाशिकमध्येही फैलाव

राज्यात एकिकडे कोरोना विषाणूचा संसर्ग थैमान घालत आहे. आता दुसरीकडे सारीच्या फैलावाने डोकं वर काढल्याचं पाहायला मिळत आहे (SARI patient in Maharashtra along with Corona).

कोरोना पाठोपाठ सारीचंही संकट, अहमदनगरसह जालना आणि नाशिकमध्येही फैलाव

अहमदनगर : राज्यात एकिकडे कोरोना विषाणूचा संसर्ग थैमान घालत आहे. आता दुसरीकडे सारीच्या फैलावाने डोकं वर काढल्याचं पाहायला मिळत आहे (SARI patient in Maharashtra along with Corona). अहमदनगरसह नाशिक जालना आणि राज्यातील इतर भागात सिविअर अॅक्युट रेस्पिरेटरी इलनेसचा (सारी) फैलाव होताना दिसत आहे. अहमदनगरमध्ये सारीचे देखील 42 रुग्ण आढळले आहेत. अहमदनगरमध्ये सारीने आत्तापर्यंत एका रुग्णाचा मृत्यू झाला आहे.

अहमदनगर जिल्ह्यातील कोपरगावच्या एका महिलेचा नुकताच सारीने मृत्यू झाला आहे. यानंतर अहमदनगर जिल्ह्यात हायअलर्ट जारी करण्यात आला आहे. यात संगमनेर, कोपरगाव, नेवासा, अहमदनगर शहर हॉटस्पॉट ठरत आहेत. अहमदगर जिल्ह्यात आज 21 व्यक्तींचे स्त्राव चाचणी केल्यानंतर निगेटिव्ह आले आहेत. तर 33 नमुन्यांचे अहवाल प्रतिक्षेत आहेत.

अहमदनगरमध्ये कोरोना पाठोपाठ सारीचे रुग्णही आढळत आहेत. 11 एप्रिलपासून आजपर्यंत 42 रुग्ण सापडले आहेत. त्यांच्यावर जिल्हा रुग्णालय आणि महात्मा फुले जीवनदायी योजने अंतर्गत मान्यता दिलेल्या विविध रुग्णालयात उपचार सुरु आहेत. यात 23 पुरुष, 15 स्त्रिया आणि 4 बालकांचा समावेश आहे. अहमदनगरमध्ये कोरोनाचे 28 रुग्ण आहेत, तर सारीचे 42 रुग्ण आढळले आहेत.

जालना

जालन्यात सारीचे दोन रुग्ण आढळल्याची माहिती जिल्हा शल्य चिकित्सक मधुकर राठोड यांनी दिली आहे. तसेच इतर दोघांचे स्वॅब नमुने 10 एप्रिलला चाचणीसाठी औरंगाबादला पाठवण्यात आले. दुःखीनगर येथील 65 वर्षीय पहिली पॉझिटिव्ह महिलेची प्रकृती स्थिर आहे.

नाशिक

नाशिकमध्ये देखील कोरोना रुग्णांचा आकडा सातत्याने वाढत आहे. त्यातच आता काही रुग्णांना सारी आजाराचेही लक्षणं दिसत आहेत. त्यामुळे जिल्हा रुग्णालयावर याचा ताण अधिक पडत आहे.

संबंधित बातम्या :

राज्यातील कोरोना रुग्णांची संख्या 3202 वर, कोठे किती रुग्ण?

सोशल मीडियावर खोटी माहिती पसरवणाऱ्यांना झटका, सायबर विभागाकडून 218 गुन्हे दाखल, 45 आरोपींना अटक

चिमुकल्यापासून आजीबाईंपर्यंत कोरोनाशी यशस्वी लढा, राज्यात कोठे किती रुग्ण बरे?

Corona : पुणे विभागात 518 कोरोनाबाधित, आतापर्यंत 47 जणांचा बळी

कोरोना नियंत्रणाचं काम करणाऱ्या खासगी डॉक्टरांनाही विमा संरक्षण द्या : खासदार राहुल शेवाळे

घर खाली करणे, बांधकाम तोडणे या कारवायांना स्थगिती, मुंबई उच्च न्यायालयाचा मोठा निर्णय

SARI patient in Maharashtra along with Corona

कमेंट करा

कमेंट करा

Your email address will not be published. Required fields are marked *