दोन दिवसात दोन परदेशी टेनिस खेळाडू भारताच्या सून बनल्या
भारताचा स्टार टेनिस खेळाडू दिविज शरणने ब्रिटेनची स्टार टेनिस खेळाडू समंथा मरेशी विवाह केला आहे. तर माजी टेनिस खेळाडू स्टीफन अमृतराज यानेही अमेरिकेची स्टार खेळाडू एलिसन रिस्के हिच्याशी लग्न केले आहे.
मुंबई : भारताचा स्टार टेनिस खेळाडू दिविज शरणने (Divij Sharan) नुकतंच ब्रिटेनची स्टार टेनिस खेळाडू समंथा मरे (Samantha Murray) हिच्याशी विवाह केला आहे. तर दुसरीकडे माजी टेनिस खेळाडू स्टीफन अमृतराज (Stephen Amritraj) यानेही अमेरिकेची स्टार खेळाडू एलिसन रिस्के (Alison Riske) हिच्याशी लग्न केले आहे. यामुळे दोन दिवसात दोन परदेशी टेनिस खेळाडू भारताच्या सून बनल्या.
टेनिसपटू शरणने ट्विटरवर आपल्या लग्नाचे फोटो सोशल मीडियावर पोस्ट केले आहेत. त्या पोस्टला त्याने ‘माझी बेस्ट पार्टनर’असे कॅप्शन दिले आहे. तर दुसरीकडे समंथाने लग्नाचा फोटो पोस्ट करत ‘परफेक्ट मॅच’ असे लिहीले आहे.
My best partner @SamMurray87 #SamAndDivHitched #PerfectMatch #SamWedsDivijPart1 pic.twitter.com/iVyrlSpTie
— Divij Sharan (@divijsharan) July 20, 2019
दिविज शरण हा दिल्लीमध्ये राहणार आहे. त्याने आतापर्यंत पुरुषांच्या गटात टेनिस स्पर्धेत चार एटीपी टूर टायटल्स जिंकले आहेत. त्याशिवाय डेविस कपमध्ये त्याने भारताचे प्रतिनिधीत्व केले आहे. तर दुसरीकडे शरणची पत्नी समंथा ही ब्रिटेनची स्टार टेनिसपटू आहे.
A perfect match @divijsharan #SamAndDivHitched #SamWedsDivijPart1 pic.twitter.com/QGrdPryKCg
— Samantha Murray (@SamMurray87) July 20, 2019
तर दुसरीकडे लॉस एंजेल्समध्ये जन्मलेल्या 35 वर्षीय स्टीफनने एलिसन रिस्के हिच्याशी लग्न केले आहे. शरणप्रमाणे स्टीफननेही डेविस कपमध्येही भारताचे प्रतिनिधीत्व केले आहे. विशेष म्हणजे स्टीफन हा भारताचे माजी टेनिसपटू आनंद अमृतराज यांचा मुलगा आहे.
Best day of my life to marry the woman of my dreams @Riske4rewards and to be surrounded by family, friends, mentors, colleagues and coaches.
Thank you to everyone who has sent messages to us.
Grateful beyond words. pic.twitter.com/8O3uZ84NZz
— Stephen Amritraj (@stephenamritraj) July 21, 2019
स्टीफनने आपल्या लग्नाचे काही फोटो सोशल मीडियावर शेअर केले आहे. “हा माझ्या जीवनातील सर्वात चांगला दिवस आहे. कारण मी माझ्या स्वप्नसुंदरी एलिसन रिस्के हिच्याशी लग्न करत आहे”, असे कॅप्शनही त्याने या फोटोला दिले आहे. तसेच या मित्र आणि नातेवाईंकाचे आभार मानले आहे.
officially an Amritraj! I’m the luckiest lady because of @stephenamritraj ! where all my new Indian followers at??!! here’s a little Bollywood to try to win over your affection! ??? pic.twitter.com/ejX29aT5cF
— Alison Riske-Amritraj???? (@Riske4rewards) July 21, 2019
तर दुसरीकडे स्टीफनची पत्नी रिस्केनेही सोशल मीडियावर लग्नासंबंधीचे काही फोटो आणि व्हिडीओ पोस्ट केलेत. विंबलडनच्या क्वार्टरफायनल मध्ये धडकणाऱ्या रिस्केनेही एक व्हिडीओ ट्विटरवर शेअर केला आहे. त्यात तिने एका बॉलिवूडच्या ‘नच देने सारे’ या गाण्यावर डान्स केला आहे. विशेष म्हणजे या गाण्यावर ती अगदी भारतीय पद्धतीने थिरकताना दिसत आहे.
मी आता अधिकृतरित्या अमृतराज झाली आहे. स्टीफनमुळे मी स्वत: ला खूप नशीबवान महिला समजते. माझे नवे फॉलोवर्स कुठे आहेत. तुमच्या सर्वांचे मन जिंकण्यासाठी माझ्याकडून बॉलिवूडकरांप्रमाणे एक छोटासा प्रयत्न असे कॅप्शनही तिने या व्हिडीओला दिले आहे.
त्याशिवाय तिने तिच्या इंस्टाग्रामवरही एक व्हिडीओ पोस्ट केला आहे. त्यात तिने ती कशाप्रकारे हा बॉलिवूड डान्स शिकली याबाबतची सर्व माहिती सांगितली आहे. विशेष म्हणजे लग्नानंतर लगेचच तिने तिच्या सोशल मीडियावरील एलिसन रिस्के नावातही बदल करत एलिसन रिस्के अमृतराज असे ठेवले आहे. यासोबत पुढे भारत आणि अमेरिका या दोन्ही देशांचा झेंड्याची प्रतिकृतीही तिने लावली आहे.
