वीकेंडला फिरायला गेलेल्या मित्रांचा कार उलटून अपघात, एकाचा मृत्यू

चालकाचे गाडीवरील नियंत्रण सुटल्याने भरधाव कार रस्त्याच्या कडेला असलेल्या खड्ड्यात उलटून भीषण अपघात झाला. या अपघातात कार चालक मित्राचा जागीच मृत्यू झाला.

वीकेंडला फिरायला गेलेल्या मित्रांचा कार उलटून अपघात, एकाचा मृत्यू
Follow us
| Updated on: Feb 17, 2020 | 7:55 AM

जळगाव : चालकाचे गाडीवरील नियंत्रण सुटल्याने भरधाव कार रस्त्याच्या कडेला असलेल्या खड्ड्यात उलटून भीषण अपघात झाला (Jalgaon Car Accident). या अपघातात कार चालक मित्राचा जागीच मृत्यू झाला . तर तीन मित्र गंभीर जखमी झाले आहेत. जळगाव शहरातील कोल्हे हिल्स परिसरात हा भीषण अपघात घडला. जखमी मित्रांना जिल्हा वैद्यकीय महाविद्यालयात उपचारार्थ दाखल करण्यात आले आहे. या अपघातात भूपेंद्र संतोष पाटील याचा मृत्यू झाला आहे (Jalgaon Car Accident). तर त्याचे मित्र समेश पराग गुळवे, अलाफ राजेंद्र कुलकर्णी आणि विजय पाटील अशी जखमींची नावे आहेत.

रविवारची सुट्टी एकत्र घालवण्यासाठी हे चौघे मित्र सायंकाळी कारने (क्रमांक एमएच 19 बीजे 898) कोल्हे हिल्स परिसरात टेकडीवर फिरण्यासाठी गेले होते. टेकडीवर काही वेळ घालवल्यानंतर घरी परतत असताना उतारावर हा अपघात घडला. कार अलाफ कुलकर्णीची होती. पण घरी परतत असताना भूपेंद्र पाटील गाडी चालवत होता. कोल्हे हिल्स टेकडीच्या उतारावर समोरुन येणाऱ्या कारला वाचविण्याच्या प्रयत्नात भूपेंद्रचे कारवरील नियंत्रण सुटले. त्यामुळे कार रस्त्याच्या कडेला असलेल्या खड्ड्यात जाऊन कोसळली.

या अपघातात भूपेंद्रचा जागीच मृत्यू झाला. तर तिघे जखमी झाले. मृत भूपेंद्र पाटील हा एका खासगी बँकेत नोकरीला होता. अपघात घडल्यानंतर परिसरातील तरुणांनी तातडीने घटनास्थळी धाव घेतली. भूपेंद्रसह इतर तिघा जखमीं मित्रांना खासगी वाहनाने जिल्हा वैद्यकीय महाविद्यालयात हलविण्यात आले. मात्र, तिथे डॉक्टरांनी भूपेंद्रला मृत घोषित केलं.

या घटनेची माहिती मिळताच भूपेंद्र आणि इतर तिघांच्या घरच्यांनी जिल्हा वैद्यकीय महाविद्यालयात गर्दी केली. भूपेंद्रच्या मृत्यूची बातमी कळताच त्याच्या घरच्यांनी टाहो फोडला. भूपेंद्रच्या मागे पत्नी, आई आणि वडील असा परिवार आहे.

Non Stop LIVE Update
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?
शिंदेंनी शब्द दिला म्हणून गुवाहाटीला, नाहीतर... बच्चू कडू काय म्हणाले?.
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन
मस्तीत आलेल्यांना... आमदार बच्चू कडू यांचं भाजप कार्यकर्त्यांना आवाहन.
लोकसभेच्या 16 लढती फिक्स, कुठं कोणासोबत होणार थेट फाईट?
लोकसभेच्या 16 लढती फिक्स, कुठं कोणासोबत होणार थेट फाईट?.
धैर्यशील माने यांना हातकणंगलेतून पुन्हा तिकीट मिळणार का? काय म्हणाले
धैर्यशील माने यांना हातकणंगलेतून पुन्हा तिकीट मिळणार का? काय म्हणाले.
प्रकाश आंबेडकर यांची 'मविआ'शी फारकत... जरांगे पाटील यांच्यासोबत आघाडी?
प्रकाश आंबेडकर यांची 'मविआ'शी फारकत... जरांगे पाटील यांच्यासोबत आघाडी?.
साताऱ्यात उदयनराजेंचं पुन्हा कमळ, नाशकात छगन भुजबळ? लोकसभा कोण लढणार?
साताऱ्यात उदयनराजेंचं पुन्हा कमळ, नाशकात छगन भुजबळ? लोकसभा कोण लढणार?.
उद्धव ठाकरेंची यादी जाहीर अन काँग्रेससोबत खटके, या दोन जागेवरून हंगामा
उद्धव ठाकरेंची यादी जाहीर अन काँग्रेससोबत खटके, या दोन जागेवरून हंगामा.
माळशिरसच्या मोहिते पाटलांचं ठरलंय, हाती तुतारी घेणार? पवारांसोबत जमलंय
माळशिरसच्या मोहिते पाटलांचं ठरलंय, हाती तुतारी घेणार? पवारांसोबत जमलंय.
नवनीत राणांचा प्रचार करणार? बच्चू कडू म्हणाले, 'त्यांच्या बापाची...'
नवनीत राणांचा प्रचार करणार? बच्चू कडू म्हणाले, 'त्यांच्या बापाची...'.
'मोदी आणि माझ्यात वाद नाही'; केंद्रीय मंत्री गडकरींची EXCLUSIVE मुलाखत
'मोदी आणि माझ्यात वाद नाही'; केंद्रीय मंत्री गडकरींची EXCLUSIVE मुलाखत.