जालन्यात स्टील कंपनीत ब्लास्ट, तीन कामगारांचा मृत्यू, आठ जखमी

जालना : जालन्यातील ओम साईराम स्टील कंपनीत (Jalna Company Blast) भीषण स्फोट झाला. या अपघातात तीन कामगारांचा भाजून मृत्यू झाला. तर आठ जण गंभीर जखमी झाले आहेत. जखमींना उपचारासाठी रुग्णालयात दाखल करण्यात आलं असून मृतांचा आकडा वाढण्याची भीती आहे. मृत तिघांचा मृतदेह जालना घाटीत शवविच्छेदनासाठी दाखल करण्यात आला आहे.

जालन्याच्या नवीन औद्योगिक वसाहतीतील ओम साईराम (Jalna Company Blast) स्टील कंपनीत सळई बनविताना बॉयलरमध्ये स्फोट होऊन हा अपघात घडला. या अपघातात मृत्यू झालेले तीनही कामगार हे परप्रांतीय असल्याची माहिती आहे.

हेही वाचा : डोंबिवलीत केमिकल कंपनीला भीषण आग, केमिकल बॅरेलच्या स्फोटांची मालिका

या अपघात आठ कामगार जखमी झाले आहेत. या जखमी कामगारांपैकी काहींवर जालना येथील रुग्णालयात, तर काहींवर औरंगाबादच्या सरकारी आणि खाजगी रुग्णालयात उपचार सुरु आहेत.

या घटनेची माहिती मिळताच चांदनजीरा पोलीस घटनास्थळी दाखल झाले. याप्रकरणी अद्यापपर्यंत पोलिसांनी कुठलाही गुन्हा नोंदवलेला नाही. या प्रकरणाचा अधिक तपास करुन कारवाई करणार असल्याची (Jalna Company Blast) माहिती पोलीस अधिक्षक एस. चैतन्य यांनी दिली.