Maharashtra Corona Update | राज्यात दिवसभरात 2,608 रुग्णांची भर, तर 60 जणांचा कोरोनाने मृत्यू

मुंबई : देशासह राज्यात कोरोनाचं थैमान (Maharashtra Corona Cases Latest Update) सुरुच आहे. आज राज्यात नव्या 2 हजार 608 रुग्णांची भर पडली आहे. त्यामुळे सध्या राज्यातील राज्यातील कोरोनाबाधितांची संख्या 47 हजार 190 वर पोहोचली आहे.

राज्यात आज दिवसभरात 821 रुग्णांना डिस्चार्ज देण्यात आला आहे. त्यामुळे आतापर्यंत 13 हजार 404 जणांनी कोरोनावर मात केली आहे. तर सध्या राज्यात 32 हजार 201 अॅक्टिव्ह रुग्ण आहेत.

दिवसभरात राज्यात 60 कोरोनाबाधित रुग्णांचा मृत्यू

तर दुसरीकडे, आज राज्यात 60 कोरोनाबाधित रुग्णांचा मृत्यू झाला आहे. त्यामुळे राज्यातील कोरोनाबाधित मृतांचा आकडा 1 हजार 577 वर पोहोचला आहे. आज मृत्यू झालेल्यांपैकी मुंबईत 40, पुण्यात 14, सोलापूरात 2, वसई विरारमध्ये 1, साताऱ्यात 1, ठाणे 1 आणि नांदेडमध्ये 1 मृत्यू झाला आहे.

BREAKING : महाराष्ट्रातील कोरोनाबाधितांचा आकडा 47 हजार 190 वर, राज्यात आज नव्या 2608 रुग्णांची नोंद, दिवसभरात 60 कोरोनाबळी, आज राज्यात 821 रुग्णांना डिस्चार्ज, एकूण 13404 कोरोनाबाधित रुग्ण बरे #CoronaInMaharashtra pic.twitter.com/zVDwAp9lVP

— TV9 Marathi (@TV9Marathi) May 23, 2020

राज्यात 4 लाख 85 हजार 623 लोक होम क्वारंटाईनमध्ये

आतापर्यंत पाठविण्यात आलेल्या 3 लाख 48 हजार 026 नमुन्यांपैकी 2 लाख 98 हजार 696 जणांचे प्रयोगशाळा नमूने कोरोनाकरिता निगेटिव्ह आले आहेत. तर 47 हजार 190 जण पॉझिटिव्ह आले आहेत. राज्यात 4 लाख 85 हजार 623 लोक होम क्वारंटाईनमध्ये असून 33 हजार 545 लोक संस्थात्मक क्वारंटाईनमध्ये (Maharashtra Corona Cases Latest Update) आहेत.

मुंबई दिवसभरात 1 हजार 566 रुग्णांची वाढ

मुंबईत आज दिवसभरात 1 हजार 566 कोरोना रुग्णांची भर पडली आहे. त्यामुळे मुंबईतील कोरोनाबाधितांची संख्या आता 28 हजार 817 वर पोहोचली आहे. तर आज दिवसभरात एकूण 40 जणांचा कोरोनामुळे मृत्यू झाला आहे. त्यामुळे मुंबईतील कोरोनाबळींची संख्या 949 झाली आहे.

राज्यातील कोरोनाबाधितांची अद्ययावत आकडेवारी

Maharashtra Corona Cases Latest Update