पुण्यातून 9 वर्षापूर्वी बेपत्ता झालेला तरुण माओवादी कमांडर

पुण्यातून 9 वर्षापूर्वी बेपत्ता झालेला तरुण माओवादी कमांडर

पुणे : पुण्यातून नऊ वर्षापूर्वी बेपत्ता झालेला तरुण माओवादी कमांडर असल्याची माहिती छ्त्तीसगड पोलिसांनी दिली आहे. या धक्कादायक माहितीमुळे एकच खळबळ उडाली आहे. संतोष वसंत शेलार उर्फ विश्वा असं या तरुणाचे नाव आहे. 2010 साली संतोष घर सोडून गेला होता. यावेळी त्याच्या कुटुबियांनी 2011 ला पुण्यातील खडक पोलीस स्टेशनमध्ये बेपत्ता झाल्याची तक्रारही केली होती.

संतोष हा नऊ वर्षापूर्वी पुण्यातून अचानक बेपत्ता झाला होता. त्याच्या घरच्यांनीही त्याचा शोध घेतला होता पण कुठेच काही माहिती मिळाली नाही. मात्र तब्बल नऊ वर्षानंतर पुण्यातून बेपत्ता झालल्या संतोषचा शोध छत्तीसगड पोलिसांनी लावला आहे. संतोष सध्या माओवादी संघटनेत काम करत आहे. तो रांजनांदगाव या ठिकाणच्या तांडा एरिया कमिटीचा ड्युटी कमांडर आहे.

छत्तीसगड पोलिसांनी माओवाद्यांची एक यादी तयार केली आहे. या यादीनुसार ते माओवाद्यांच्या शोध घेत आहेत. तसेच त्यांच्याशी संबधित माहितीचा तपास करत आहेत. संतोषबद्दलची सर्वा माहिती छत्तीसगड पोलिसांनी माओवाद्यांच्या यादीत स्पष्टपणे मांडली आहे.

संतोष पुण्यातील कासेवाडी, भवानी पेठ येथे राहत होता. तो बेपत्ता झाल्यानंतर त्याच्या घरच्यांनी खडक पोलीस स्टेशनमध्ये 2011 रोजी तक्रारही दाखल केली होती. संतोषने 9 वी नंतर शाळा सोडली. या नंतर त्याने सांस्कृतीक कार्यक्रमात सहभाग घेतला. तसेच तो कबीर कला मंच यामध्येही काम करत होता, असं सांगितल जात आहे.

कमेंट करा

कमेंट करा

Your email address will not be published. Required fields are marked *