नीडलफिशचा तरुणावर हल्ला, माश्याचं तोंड गळ्यातून आरपार
आपल्या वडिलांसोबत मासे पकडण्यासाठी गेलेल्या एका 16 वर्षीय तरुणावर नीडलफिशने हल्ला (Needalefish attack on boy) केला आहे.
जकार्ता (इंडोनेशिया) : आपल्या वडिलांसोबत मासे पकडण्यासाठी गेलेल्या एका 16 वर्षीय तरुणावर नीडलफिशने हल्ला (Needalefish attack on boy) केला आहे. हा हल्ला त्या तरुणाच्या जीवावर बेतला आहे. या हल्ल्यात नीडलफिशने आपल्या टोकदार तोंडाने तरुणाच्या गळ्याला छिद्र (Needalefish attack on boy केले. हा हल्ला इतका भयानक होता की माश्याचे तोंड थेट तरुणाच्या गळ्यातून आरपार झाले आहे.
ही घटना इंडोनेशियामधील आहे. या तरुणाचं नाव मोहम्मद इदुल आहे. इदुल मासे मारण्यात व्यस्त होता. पण अचानक नीडलफिशने तरुणावर हल्ला करत आपले तोंड त्याच्या गळ्यात घुसवले. त्यामुळे त्याच्या गळ्याला मोठे छिद्र पडले आहे.
या घटनेनंतर जखमी इदुला तातडीने रुग्णालयात दाखल करण्यात आले. तेथे त्याची सर्जरी करण्यात आली. तीन डॉक्टरांच्या पथकाने तोन तास इदुलचे ऑपरेशन केले. त्याची परिस्थिती आता सुधारली असून त्याला रुग्णालयात ठेवले आहे.
गळ्याचा होल मोठा असल्याने हे ऑपरेशन आमच्यासाठी आव्हानात्मक होते, अस डॉक्टरांनी सांगितले.
इदुला सध्या ताप आहे. हळू-हळू त्याच्या प्रकृतीत सुधारणा होईल. त्याच्या गळ्यात नीडलफिशने तोंड घुसवल्यामुळे सर्व फोटो सोशल मीडियावर व्हायरल झाले आहे.