वाट पाहण्याची चिंता मिटली, एसटीचं लोकेशन तुमच्या हातात

प्रवाशांना लोकेशन (ST Bus live location) समजावं यासाठी वाहन शोध व प्रवासी माहिती प्रणाली (vehicle tracking and passenger information system) चं लोकार्पण करण्यात आलंय.

वाट पाहण्याची चिंता मिटली, एसटीचं लोकेशन तुमच्या हातात
Follow us
| Updated on: Aug 20, 2019 | 9:18 PM

मुंबई : महाराष्ट्राची जीवनवाहिनी असलेल्या एसटी बसच्या वेळेबाबत (ST Bus live location) प्रवासी नेहमीच साशंक असतात. कारण, एसटी वेळेवर येण्याचं प्रमाण अगदी नगण्य आहे आणि त्यामुळे लवकर येऊन वाट पाहत बसावी लागते. पण आता प्रवाशांना लोकेशन (ST Bus live location) समजावं यासाठी वाहन शोध व प्रवासी माहिती प्रणाली (vehicle tracking and passenger information system) चं लोकार्पण करण्यात आलंय. परिवहन मंत्री आणि एसटी महामंडळाचे अध्यक्ष दिवाकर रावते यांच्या हस्ते या सेवेचा प्रारंभ करण्यात आला.

या नव्या प्रणालीमुळे एसटी बस कोणत्या ठिकाणी पोहोचली आहे, हे प्रवाशांना समजू शकणार आहे. तसेच बसस्थानकावर एलसीडी टीव्ही संचाद्वारे एसटी गाड्यांची प्रत्यक्ष येण्याची व सुटण्याची वेळ कळणार आहे. आपल्या जवळील थांब्यावरून प्रत्यक्ष येणाऱ्या आणि सुटणाऱ्या फेऱ्यांची वेळ कळणार असल्याने प्रवाशांना प्रवासाचे पूर्वनियोजन करता येईल व त्यांचा अमूल्य वेळ वाचणार आहे.

नाशिक विभाग आणि मुंबई – पुणे – मुंबई, बोरीवली – पुणे -बोरीवली, ठाणे – पुणे – ठाणे या शिवनेरी सेवेचा व्हीटीएस – पीआयएस प्रकल्पाचं लोकार्पण करण्यात आलं. पुढील 5 ते 6 महिन्यात संपूर्ण महाराष्ट्रात वाहनांना व्हीटीएस (vehicle tracking system) बसविण्यात येणार आहे.

सर्व महत्वाच्या थांब्यावर पीआयएस संच (passenger information system) बसविण्यात येणार आहेत. याबाबतचे काम सध्या वेगाने सुरु आहे. तसेच प्रवाशांना बसचं लोकेशन समजण्यासाठी मोबाईल app तयार करण्यात येत असून ते लवकरच उपलब्ध होणार असल्याचंही कळवण्यात आलंय.

महामंडळाच्या ताफ्यातील 18 हजार बसमधून दररोज 67 लाख प्रवासी प्रवास करतात. प्रवाशांना चांगली सेवा देण्यासाठी माहिती आणि तंत्रज्ञानाचा वापर केला जात आहे. या नव्या प्रणालीमुळे सर्व लहान मोठ्या एसटी बस थांब्याचे, गावांचे जीपीएस तंत्रज्ञानाव्दारे अक्षांश आणि रेखांशाव्दारे नकाशावर स्थान निश्चित करण्यात येत आहे. तसेच ज्या आंतरराज्य मार्गावर एसटी महामंडळाची सेवा आहे, अशा थांब्याचेही स्थान निश्चितीकरण करण्यात येत आहे, अशी माहिती दिवाकर रावते यांनी दिली.

व्हीटीएस-पीआयएस प्रकल्पाच्या अंतर्गत एक मध्यवर्ती नियंत्रण कक्षाची स्थापना महामंडळाच्या मध्यवर्ती कार्यालय, मुंबई सेंट्रल येथे तयार करण्यात आली आहे. या नियंत्रण कक्षामध्ये व्हिडीओ वॉल तयार करण्यात आली असून तेथे एसटी बसेसचे निरीक्षण करण्यात येणार आहे. यात वाहनाचा वेग, वाहनाचे आगमन आणि निर्गमन तसेच व्यवस्थापनाच्या दृष्टीने आवश्यक अहवाल प्राप्त होणार आहे.

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.