भाजपकडे वॉशिंग मशिन आणि गुजरातची निरमा पावडर, ‘वॉशिंग युद्धा’त दानवेंची उडी

भाजपकडे वॉशिंग मशिन आणि गुजरातची निरमा पावडर आहे, असं म्हणत केंद्रीय राज्यमंत्री रावसाहेब दानवे यांनी भाजपला सवाल विचारणाऱ्या विरोधकांना उत्तर दिलं

भाजपकडे वॉशिंग मशिन आणि गुजरातची निरमा पावडर, 'वॉशिंग युद्धा'त दानवेंची उडी
Follow us
| Updated on: Aug 29, 2019 | 1:07 PM

जालना : राष्ट्रवादीच्या खासदार सुप्रिया सुळे (Supriya Sule) आणि मुख्यमंत्री देवेंद्र फडणवीस (Devendra Fadanvis) यांच्यामध्ये वॉशिंग पावडरवरुन कलगीतुरा रंगलेलं असतानाच भाजपचे ज्येष्ठ नेते आणि केंद्रीय राज्यमंत्री रावसाहेब दानवे (Raosaheb Danve) यांनीही उडी घेतली आहे. भाजपकडे वॉशिंग मशिन (Washing Machine) आणि गुजरातची निरमा पावडर (Nirma Powder) आहे, असं म्हणत दानवेंनी विरोधकांना चपराक लगावली.

भाजप आणि विरोधकांमध्ये सध्या ‘धुलाई युद्ध’ रंगलं आहे, असं म्हटल्यास वावगं ठरणार नाही. भाजपकडे वॉशिंग मशिन आहे. कोणालाही पक्षात घेण्याआधी आम्ही त्यांना मशिनमध्ये धुवून घेतो. आमच्याकडे गुजरातची निरमा पावडर आहे, अशा शब्दात रावसाहेब दानवेंनी विरोधकांना उत्तर दिलं. ‘गुजरातची निरमा पावडर’ असा साहजिकच पंतप्रधान नरेंद्र मोदी यांचा उल्लेख दानवेंनी केला होता. रावसाहेब दानवे जालन्यामध्ये बोलत होते.

सुप्रिया सुळेंचा टोमणा

पक्ष सोडून जाणाऱ्या नेत्यांवरुन खासदार सुप्रिया सुळे यांनी भाजपची फिरकी घेतली होती. ईडी, सीबीआय सारख्या यंत्रणांचा दबावतंत्रासाठी वापर सुरु आहे. आमच्याकडे असताना वाईट असलेले, त्यांच्याकडे गेल्यावर चांगले होतात, भाजपकडे अशी कोणती वॉशिंग पावडर आहे? असा सवाल त्यांनी विचारला होता.

वॉशिंग पावडर नाही, डॅशिंग रसायन

सुप्रिया सुळेंच्या टीकेला मुख्यमंत्र्यांनीही उत्तर दिलं होतं. ‘राष्ट्रवादीमध्ये असलेल्या नेत्यांना वॉशिंगची गरज आहे, हे सुप्रिया सुळे यांनी मान्य केल्याबद्दल आभार. भ्रष्टाचाराची भरपूर घाण तयार झाली आहे. मात्र भाजप वॉशिंग पावडर वापरत नाही. आमच्याकडे विकासाचं डॅशिंग रसायन आहे. त्या रसायनापुढे सारं काही निष्प्रभ आहे. आणि मोदीजींसारखा नेता आहे’ अशा शब्दात देवेंद्र फडणवीसांनी सुप्रिया सुळेंना टोला लगावला होता.

मुख्यमंत्र्यांना सुळेंचं प्रत्युत्तर

मुख्यमंत्र्यांनी डॅशिंग केमिकल म्हटलंय पण सर्वच रसायनं चांगली नसतात, असा टोला सुप्रिया सुळेंनी लगावला. मी सायन्सची विद्यार्थिनी आहे. त्यामुळे रसायनांची मला चांगली माहिती आहे, असंही त्या म्हणाल्या होत्या. पक्ष सोडून जाणाऱ्यांनी सावध राहावं. भाजपवाले रसायनांची पावडर टाकत आहेत. रसायनातून काय-काय होतं, तुम्हाला माहीत आहे. त्यामुळे सांभाळून राहा, असं सुप्रिया सुळेंनी म्हटलं होतं.

उद्धव ठाकरेंचाही टोला

बहुजन विकास आघाडीचे आमदार विलास तरे यांनी शिवसेनेत प्रवेश केला, तेव्हा ‘आमच्याकडे कोणतीही वॉशिंग पॉवडर नाही’ असं उद्धव ठाकरे म्हणाले होते. शिवसेनेचं काम पाहून अनेक नेते शिवसेनेकडे आकर्षित होत असल्याचं त्यांनी सांगितलं होतं.

संबंधित बातम्या

भाजपकडे वॉशिंग पावडर नाही, विकासाचं डॅशिंग रसायन, मुख्यमंत्र्यांचा सुप्रिया सुळेंना टोला

Non Stop LIVE Update
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत.
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.