व्हिडीओ कॉन्फरन्सद्वारे आता पोलीस स्टेशनमध्ये तक्रार करता येणार
राज्यातील सांगली जिल्ह्यामधील पोलीस दलात आता ई-सवांद (व्हिडीओ कॉन्फरन्सी) कार्यप्रणाली (Video Conference service in police department) सुरु करण्यात आली आहे.
सांगली : राज्यातील सांगली जिल्ह्यामधील पोलीस दलात आता ई-सवांद (व्हिडीओ कॉन्फरन्सी) कार्यप्रणाली (Video Conference service in police department) सुरु करण्यात आली आहे. सांगली जिल्ह्यातील सर्व पोलीस ठाण्यात ही कार्यप्रणाली सुरु झाली आहे. यापुढे तक्रार दाखल करण्यासाठी तक्रारदार घटनास्थळावरुन व्हिडीओ कॉन्फरन्सद्वारे पोलीस अधीक्षकांच्या समोर आपली तक्रार मांडू (Video Conference service in police department) शकतो.
तक्रार निवारण दिनी आज (1 फेब्रुवारी) व्हिडीओ कॉन्फरन्स या कार्यप्रणालीची सुरुवात करण्यात आली आहे. सांगलीचे पोलीस अधिक्षक सुहेल शर्मा यांनी आज सांगली जिल्ह्यातील सर्व पोलीस ठाण्याशी व्हिडीओ कॉन्फरन्सीद्वारे जोडून ई-संवाद साधला. यावेळी अनेक तक्रारदारांनी आपल्या समस्या आणि तक्रारी पोलीस अधिक्षक यांच्या समोर मांडल्या.
कारवाई होत नसेल किंवा कारवाईला वेळ लागत असेल तर एखाद्या प्रकरणाचा पाठपुरावा करण्यासाठी तक्रारदाराला पोलीस अधिक्षक कार्यालयाच्या चक्रा माराव्या लागतात. गुन्हा नोंद असलेले पोलीस स्टेशन हे पोलीस अधीक्षक कार्यालयापासून लांब असते. मात्र या कार्यप्रणालीमुळे प्रत्येक आठवड्याला स्वतः पोलीस अधिक्षक प्रत्येक पोलीस स्टेशनशी व्हिडीओ कॉन्फरन्सीद्वारे संपर्क साधत तक्रारदारांच्या समस्या आणि तक्रारी ऐकून घेऊन पोलिसांना सूचना देऊ शकणार आहेत.
दरम्यान, पोलीस दलातील ई-सवांद कार्यप्रणालीचे जिल्ह्यातील नागरिकांनी कौतुक केले आहे. या कार्यप्रणालीमुळे आता तक्रारदारालाही कमी त्रास होणार आहे.