श्रीलंकेनंतर इराकमध्येही राष्ट्रपती भवन लोकांनी ताब्यात घेतलं! 15 ठार, बगदादमध्ये कर्फ्यू

जे श्रीलंकेत (Sri Lanka Crisis) झालं, तेच इराकमध्ये (Iraq Politics) होताना पाहायला मिळातंय. इराकमधील राष्ट्रपती भवन लोकांनी ताब्यात घेतलंय. त्यानंतर इराकची राजधानी असलेल्या बगदादमध्ये (Bagdad) कर्फ्यू लावण्याची वेळ ओढावलीय. श्रीलंकेत दोन महिन्यांपूर्वी मोठ्या आर्थिक संकटानंतर राजकीय भूकंप पाहायला मिळाला होता. श्रीलंकेत हजारो आंदोलनकांनी कोलंबोतील राष्ट्रपती भवनच आपल्या ताब्यात घेतलं होतं. आता नेमकं इराकमध्येही तसंच कशामुळे होतं आहे, असा प्रश्न उपस्थित झाला आहे. इराकमध्ये अनेकांना प्रभावित करणारे शिया मुस्लिम धर्मगुरु मुक्तदा अल सदर यांनी राजकारणातून संन्यास घेत असल्याची घोषणा केली. त्यानंतर इराकमध्ये एकच खळबळ उडाली. लोक रस्त्यावर उतरली. तीव्र आंदोलनं आणि निदर्शनं करण्यात आलं. यावेळी मुक्तदा अल सदर यांचे समर्थक आणि विरोध यांच्यात जोरदार झटापटही झाली. या हिंसक झटापटीत काही लोकांना जीवदेखील गमावावा लागलाय.

Sri Lanka 2.0 happening in Iraq right now ?

हे सुद्धा वाचा

“विहीरीत जीव देईल पण मी काँग्रेसमध्ये येणार नाही!”, पक्षांतराच्या ऑफरवर गडकरीचं ठाम उत्तर

School Teachers : शिक्षक, शिक्षकेतर कर्मचाऱ्यांची होणार चारित्र्य पडताळणी! अत्याचार रोखण्यासाठी प्रशासनाचा आदेश

“ठणठणीत अर्थव्यवस्था दमली, खणखणीत रुपयाही खंगला”, सामनातून सांगितली ‘दमलेल्या’ सरकारची कहानी

Which Presidential Palace pool is nicer? Sri Lanka or Iraq? pic.twitter.com/ehVDouxYe2

— Wall Street Silver (@WallStreetSilv) August 29, 2022

बगदाद येथील रिपब्लिकन पॅलसवर लोकांनी हल्लाबोल केलाय. हे पॅलेसच लोकांनी आपल्या ताब्यात घेतलंय. या पॅलेसमधील वस्तू्ंवर लोकं आपला मालकी हक्क असल्यासारखा दावा करत आहेत. या पॅलेसमध्ये लोकांनी घातलेला धुडसूस, त्याचे फोटो व्हिडीओ आता सोशल मीडियात व्हायरल होऊ लागले आहेत. काही आठवड्यांपूर्वी नेमकं असच चित्र हे कोलंबोत दिसलं होतं. श्रीलंकेचे राष्ट्रपती गोटबाया राजपक्षे यांना हटवण्याची जोरदार मागणी श्रीलंकन जनतेनं केली होती. त्यावेळी मोठा जनतेच्या संतापाचा प्रचंड मोठा उद्रेक श्रीलंकेत पाहायला मिळाला होता.

The picture of #Iran|ian leader Qasem Solimani being destroyed by the pro Sadr protesters in Baghdad today. #Iraq pic.twitter.com/Vfu1ywx0YL

— Zaina Erhaim (@ZainaErhaim) August 29, 2022

थोडक्यात पण महत्त्वाचं

• इराकमधील परिस्थिती चिघळतेय. त्यामुळे कुवैत मध्ये असलेल्या दुतावासातील नागरिकांना इराक तातडीने सोडण्याचं आवाहन करण्यात आलं आहे.
• इराकमध्ये ज्यांचा एक खूप मोठा अनुयायी वर्ग आहे, असे शिया धर्मगुरु मुक्तदा अल सदर यांनी सोमवारी राजकारणातून संन्यास घेत असल्याची घोषणा केली. त्यानंतर सदर यांच्या निर्णयाने नाराज झालेले शेकडो समर्थक, अनुयायी रस्त्यावर उतरलरे. त्यांनी सरकारी हवेली घुसून गोंधळ घातला.
• सरकारी हवेलीत शिरत असताना सुरक्षा रक्षकांसोबत जोरदार झटापट झाली. या झटापटीत 20 जण मारले गेले असून आतापर्यंत कित्येक जण जखमी झाले आहेत.
• परिस्थिती नियंत्रणात यावी यासाठी इराकमधील सैन्य दलाने कर्फ्यू लागू केलाय. लोकांना शांततेचं आवाहन करण्यात आलं आहे.
• येत्या काळात इराकमध्ये स्थिती आणखी चिघळेल, अशी शक्यता वर्तवली जातेय. इराकमध्ये राजकीय भूकंप येण्याचा अंदाज जाणकारांनी व्यक्त केलाय.
• सदर यांच्या पार्टीने ऑक्टोबर महिन्यात झालेल्या निवडणुकीत अर्ध्याहून अधिक जागा जिंकल्या होत्या. पण तरिही ते बहुमताचा आकडा गाठू शकले नव्हते. तेव्हापासून सामजस्याने सरकार बनवण्यात अडचणी येत होत्या. अखेर आता सदर यांनीच राजकारण कायमचं सोडण्याचा निर्णय जाहीर करुन टाकलाय.