अमेरिकेतील ‘गन कल्चर’चा क्रूर चेहरा समोर, 3 वर्षांच्या भावानं 8 महिन्यांच्या बाळाला घातल्या गोळ्या

ह्युस्टन : अमेरिकेच्या ह्युस्टन येथे शुक्रवारी गोळी लागून आठ महिन्यांच्या मुलाचा मृत्यू झाल्याची दुर्दैवी घटना घडलीय. मुलाच्या तीन वर्षांच्या मोठ्या भावाच्या हाताला घरात ठेवलेली बंदूक लागली आणि त्यानेच त्या बंदुकीतून आपल्या लहान भावावर गोळीबार केला. ह्युस्टन पोलीस विभागाचे उपप्रमुख वेंडी बेम्ब्रिज म्हणाले की, शुक्रवारी सकाळी बाळाच्या पोटात गोळ्या झाडल्या. कुटुंबातील सदस्यांनी जखमी बाळाला रुग्णालयात नेले असता तिथेच त्याचा मृत्यू झाला. (US gun culture 3 year old brother shoots 8 month old baby houston shootout)

मुलांपासून शस्त्रास्त्रे दूर ठेवण्याचे पोलिसांचे आवाहन

उप पोलीस प्रमुख वेंडी बेम्ब्रिज म्हणाले की, “मी सर्व पालकांना शस्त्रे घरातील मुलांच्या हाती लागणार नाही, अशा जागी ठेवण्याचं आवाहन करत आहे.” शस्त्रे सुरक्षित ठेवण्यासाठी आपण बर्‍याच गोष्टी करू शकता. या कुटुंबासाठी प्रार्थना करा. ही अत्यंत दुःखद घटना आहे. घटनेत वापरलेली बंदूक सुरुवातीला तपासकर्त्यांना सापडली नाही, परंतु ज्या गाडीतून कुटुंबीयांना मुलाला नेले, त्या गाडीत ती बंदूक सापडली.

अद्याप मुलाविरुद्ध गुन्हा दाखल केलेला नाही

या प्रकरणात कोणतेही शुल्क आकारले जाईल की नाही, याची चौकशी तपास अधिकारी आणि वकील करीत असल्याचे वेंडी बेम्ब्रिज म्हणाले. अद्यापपर्यंत पोलिसांनी मुलाविरुद्ध कोणताही गुन्हा दाखल केलेला नाही. वास्तविक कोणत्या कायद्यानुसार अशा लहान मुलाविरुद्ध गुन्हा दाखल करावा, याविषयी पोलीस संभ्रमात आहेत.

अमेरिकेत गन कल्चरने हजारो लोकांचा जीव घेतला

अमेरिकेत गन कल्चरमुळे दरवर्षी हजारो मृत्यू होतात. वृत्तानुसार, वर्ष 2021 मध्ये अमेरिकेत गोळीबार प्रकरणात आतापर्यंत 450 लोकांचा मृत्यू झाला. स्मॉल आर्म्स सर्व्हेनुसार अमेरिकेतील 100 पैकी 88 नागरिकांकडे शस्त्रे आहेत. जो दरवर्षी वेगाने वाढत आहे. तेथे एकापेक्षा जास्त गन असलेल्या लोकांची संख्या देखील मोठी आहे.

घरात ठेवलेली शस्त्रे बनतायत मृत्यूचा मार्ग

अमेरिकन द गन कंट्रोल अॅक्ट 1968 (GCA)नुसार पिस्तूल किंवा कोणतीही लहान शस्त्रे खरेदी करण्यासाठी किमान वय 18 वर्षे असणे आवश्यक आहे. तर हँडगन किंवा रायफल खरेदी करण्यासाठी 21 वर्ष वय गरजेचे आहे. गुन्हेगार किंवा एक वर्षापेक्षा जास्त शिक्षा भोगणाऱ्यांना शस्त्र विक्री करण्यास मनाई आहे. परंतु या देशात बेकायदा शस्त्रास्त्रांची मोठी बाजारपेठ देखील आहे, जिथून अशा लोकांना सहज शस्त्रे मिळतात. US gun culture 3 year old brother shoots 8 month old baby houston shootout

संबंधित बातम्या

धक्कादायक ! लग्नासाठी ‘या’ देशात मुलींचे अपहरण, पाच पैकी एका मुलीचे जबरदस्तीने लग्न

प्रिन्स फिलिप-एक असे राजकुमार जे स्वत:च्या मुलांना स्वत:चे नावही लाऊ शकले नाहीत

US gun culture 3 year old brother shoots 8 month old baby houston shootout