लादेनच्या मुलावर अमेरिकेचं इनाम, हमजा लादेन बदला घेण्याच्या तयारीत
न्यूयॉर्क: अल कायदा या दहशतवादी संघटेनेचा म्होरक्या ओसामा बिन लादेनचा खात्मा केल्यानंतर, आता अमेरिकेने आपला मोर्चा त्याच्या मुलाकडे वळवला आहे. लादेनचा मुलगा हमजा बिन लादेनची माहिती देणाऱ्याला अमेरिकेने 10 लाख डॉलर म्हणजेच जवळपास 7 कोटी रुपयांचं बक्षीस जाहीर केलं आहे. हमजा बिन लादेन आपल्या बापाचा बदला घेण्यासाठी कोणत्यातरी मोठ्या हल्ल्याच्या तयारीत असल्याचा दावा अमेरिकेने केला […]
न्यूयॉर्क: अल कायदा या दहशतवादी संघटेनेचा म्होरक्या ओसामा बिन लादेनचा खात्मा केल्यानंतर, आता अमेरिकेने आपला मोर्चा त्याच्या मुलाकडे वळवला आहे. लादेनचा मुलगा हमजा बिन लादेनची माहिती देणाऱ्याला अमेरिकेने 10 लाख डॉलर म्हणजेच जवळपास 7 कोटी रुपयांचं बक्षीस जाहीर केलं आहे. हमजा बिन लादेन आपल्या बापाचा बदला घेण्यासाठी कोणत्यातरी मोठ्या हल्ल्याच्या तयारीत असल्याचा दावा अमेरिकेने केला आहे. त्यामुळे अमेरिकेने इतक्या मोठ्या रकमेचं इनाम जाहीर केलं आहे.
अमेरिकेच्या परराष्ट्र मंत्रालयाने शुक्रवारी बक्षिसाची घोषणा केली. हमजा आणि त्याचे साथीदार मोठ्या हल्ल्याच्या तयारीत आहेत. सुरक्षा यंत्रणांकडून याबाबतची माहिती मिळाल्यानंतरच याबाबतची घोषणा अमेरिकेने केली.
अमेरिकेच्या परराष्ट्र मंत्रालयाचे अधिकारी एम टी इवानोव यांच्या मते, दहशतवाद आणि निष्पक्षतेविरोधात अमेरिकेची लढाई कायम असेल.
दुसरे अधिकारी नाथन सेल्सब यांनी दिलेल्या माहितीनुसार, “अल कायदा गेल्या अनेक काळापासून शांत आहे. मात्र ही शांतता त्यांची एक रणनीती आहे. अल कायदा अमेरिकेवर हल्ला करण्याच्या तयारीत आहे. अल कायदा या संघटनेत हमजाला मोठं पद मिळालं आहे”.
MT Evanoff, Asst Secy for Diplomatic Security, US Dept of State: Rewards for Justice Program is offering reward of up to 1 million US dollars for information leading to identification or location in any country, of al-Qa’ida leader Hamza bin Laden, son of deceased Osama bin Laden pic.twitter.com/HRWIFgxwi1
— ANI (@ANI) February 28, 2019
लादेनचा खात्मा
अमेरिकेने 2011 मध्ये अल कायदाचा म्होरक्या ओसामा बिन लादेनला पाकिस्तानातील एबटाबादमध्ये घुसून ठार केलं होतं. लादेनने अमेरिकेत 9/11 ला हल्ला केला होता, यामध्ये जवळपास 3 हजार नागरिकांचा मृत्यू झाला होता.
हमजा लादेन
दरम्यान, लादेनचा मुलगा हमजाने काही दिवसांपूर्वीच लग्न केलं. 9/11 दहशतवादी हल्ल्यात विमान हायजॅक करणाऱ्या मोहम्मद अट्टाच्या मुलीशी हमजाने निकाह केला. ओसामाच्या सावत्र भावांनी इंग्रजी दैनिकाला दिलेल्या मुलाखतीमध्ये या लग्नाचा उल्लेख आहे. या बातमीनुसार, हमजाच्या पत्नीकडे इजिप्तचं नागरिकत्व आहे.
लादेनच्या खात्म्यानंतर त्याच्या पत्नी आणि मुली सौदी अरेबियाला गेले होते. तिथे माजी युवराज मोहम्मद बिन नायेफने आश्रय दिला होता. ओसामाच्या पत्नी आणि मुलांनी सातत्याने लादेनची आई आलिया घानेमशी संपर्क ठेवून होत्या.
VIDEO: