राधाकृष्ण विखे पाटील नाईलाजास्तव भाजपमध्ये, लवकरच ते महाविकास आघाडीत येणार : हसन मुश्रीफ

महाराष्ट्र विधानसभा निवडणुकीच्या तोंडावर काँग्रेसमधून भाजपमध्ये प्रवेश केलेले ज्येष्ठ नेते राधाकृष्ण विखे पाटील महाविकास आघाडीत सहभागी होतील, असा गौप्यस्फोट ग्राम विकासमंत्री हसन मुश्रीम (Minister Hasan Mushrif) यांनी केला आहे.

राधाकृष्ण विखे पाटील नाईलाजास्तव भाजपमध्ये, लवकरच ते महाविकास आघाडीत येणार : हसन मुश्रीफ

अहमदनगर : महाराष्ट्र विधानसभा निवडणुकीच्या तोंडावर काँग्रेसमधून भाजपमध्ये प्रवेश केलेले ज्येष्ठ नेते राधाकृष्ण विखे पाटील महाविकास आघाडीत सहभागी होतील, असा दावा ग्राम विकासमंत्री हसन मुश्रीम (Minister Hasan Mushrif) यांनी केला. अहमदनगर येथे घेतलेल्या पत्रकार परिषदेत ते बोलत होते.

“काँग्रेसमधून भाजपात गेलेले विखे पाटील हेसुद्धा महाविकास आघाडीत परत येतील. ते काँग्रेस विचारांचे आहेत. विखे पाटील नाईलाजाने तिकडे गेले आहेत”, असा दावा हसन मुश्रीफ यांनी केला.

यावेळी त्यांनी भाजपचे नेते देवेंद्र फडणवीस आणि चंद्रकांत पाटील यांच्यावर टीका केली. “देवेंद्र फडणवीस आणि चंद्रकांत पाटील यांना आपली सत्ता जाईल असं वाटलं नव्हतं. मात्र, त्यांना महाविकास आघाडीचं सरकार स्थापन झाल्यामुळे अचानक झटका बसला आहे. त्यामुळे ते दिवस-रात्र टीका करत आहेत”, अशी टीका हसन मुश्रीफ (Minister Hasan Mushrif) यांनी केली.

“जोपर्यंत मुख्यमंत्री उद्धव ठाकरे, काँग्रेस अध्यक्षा सोनिया गांधी आणि राष्ट्रवादीचे अध्यक्ष शरद पवार यांच्या मनात आहे तोपर्यंत सरकार चालेल आणि ते 15 वर्ष चालेल. किमान समान कार्यक्रमावर हे सरकार चालेल”, असे हसन मुश्रीफ म्हणाले.

दरम्यान, सरपंच निवडणुकीबाबत ठाकरे सरकार एक महत्त्वाचा निर्णय घेण्याच्या विचारात आहे. सरपंचाची निवडणूक थेट जनतेतून न होता ग्रामपंचायत सदस्यांकडून व्हावी, असा प्रस्ताव महाविकास आघाडी सरकारने राज्यपाल भगतसिंग कोश्यारी यांच्याकडे पाठवला होता. मात्र, राज्यपालांनी हा प्रस्ताव परत पाठवत विधिमंडळात याबाबत चर्चा होऊन तसा कायदाच बनवावा, अशी सूचना दिली, असं हसन मुश्रीम यांनी सांगितलं.

Read Full Article

Click on your DTH Provider to Add TV9 MARATHI