मनसेच्या खळखट्याक आंदोलनाच्या इशाऱ्यानंतर केडीएमसीला जाग, स्कायवॉकवर साफसफाईला सुरुवात

मनसेच्या इशाऱ्यानंतर केडीएमसीला अखेर जाग आली आहे (KDMC wakes up after MNS warn). स्कायवॉकवर साफसफाईच्या कामाला सुरुवात झाली आहे.

मनसेच्या खळखट्याक आंदोलनाच्या इशाऱ्यानंतर केडीएमसीला जाग, स्कायवॉकवर साफसफाईला सुरुवात
Follow us
| Updated on: Nov 04, 2020 | 1:23 PM

ठाणे : मनसेच्या खळखट्याक आंदोलनाच्या इशाऱ्यानंतर केडीएमसी प्रशासनाला अखेर जाग आली आहे (KDMC wake up after MNS warn). मनसेचे कल्याण पूर्वचे विभाग अध्यक्ष विवेक धुमाळ यांनी कल्याण स्टेशन परिसरात पूर्व आणि पश्चमेला जोडणाऱ्या स्कायवॉकर असलेल्या अस्वच्छतेविरोधात आवाज उठवला होता. याबाबत त्यांनी केडीएमसीचे घनकचरा व्यवस्थापनाचे उपायुक्त रामदास कोकरे यांना पत्रदेखील पाठवले होते. त्यानंतर फेसबुक लाईव्हद्वारे केडीएमसीला आंदोलनाचा इशारा दिला होता.

विवेक धुमाळ यांनी काल (3 नोव्हेंबर) मनसे स्टाईल आंदोलनाचा इशारा दिल्यानंतर आज केडीएमसीचे सफाई कर्मचारी स्कायवॉकवर साफसफाईसाठी दाखल झाले. उपायुक्त रामदास कोकरे यांनी विवेक धुमाळ यांना याबाबत माहिती दिली. याशिवाय स्कायवॉक पाण्याने धुवून काढणार, असं आश्वासन कोकरे यांनी दिल्याचं धुमाळ यांनी ‘टीव्ही 9 मराठी’सोबत बोलताना सांगितलं (KDMC wake up after MNS warn).

विवेक धुमाळ काय म्हणाले होते?

“कल्याण पूर्व आणि पश्चिमेला जोडणाऱ्या स्कायवॉकवर प्रचंड घाणीचं साम्राज्य असतं. अस्वच्छतेमुळे स्कायवॉकवर नेहमी दुर्गंध पसरलेला असतो. त्यामुळे स्कायवॉकवरील घाणीचं साम्राज्य हटवा, स्कायवॉकची योग्यप्रकारे निगा राखा, अन्यथा मनसे स्टाईल आंदोलन करु”, असा इशारा विवेक धुमाळ यांनी दिला होता.

“कल्याण पूर्व आणि पश्चिमेला जोडणाऱ्या पादचारी पुलावर अत्यंत दयनीय अवस्था झाली आहे. या पुलावर मलमूत्र, अस्वच्छता, गडदुल्ले यांचा नागरिकांना नाहक त्रास सहन करावा लागत आहे. केडीएमसीच्या उपायुक्तांनी यापुढे स्कायवॉकवरील पुलाच्या स्वच्छतेसाठी काम करु, त्या कामाचा पाठपुरावा करु, असं आश्वासन दिलं आहे”, असं विवेक धुमाळ यांनी फेसबुक लाईव्हमध्ये सांगितलं होतं.

“स्कायवॉकवरुन चालणाऱ्या प्रत्येक व्यक्तीला मोकळा श्वास घेता आला पाहिजे. रात्री उशिरा येणाऱ्या महिलांना सुरक्षित वाटलं पाहिजे. उपायुक्तांनी स्कायवॉकची निगा, डागडुजी आणि स्वच्छता कायमची ठेवावी. स्कायवॉकवर नियमीत लाईट्स आणि पोलीस संरक्षण असावं. महिलांना कोणत्याही प्रकारचा त्रास किंवा भीती वाटायला नको”, असं धुमाळ म्हणाले.

“कल्याण रेल्वे स्टेशनच्या पश्चिम भागात दिपक हॉटेल, दिवाणी न्यायालय आणि तहसील कार्यालयदेखील आहे. त्यामुळे या स्कायवॉकवर नागरिकांची प्रचंड वर्दळ असते. मात्र, तरीदेखील या स्कॉयवॉकची निगा राखली जात नाही. स्कायवॉक हा केडीएमसीच्या हद्दीत आहे. या भागातील वॉर्ड ऑफिसर आणि अधिकारी नेमकं काय करतात? हा मोठा प्रश्न आहे. मी शेवटचं निवेदन देतोय. दोन दिवसात स्कायवॉकची स्वच्छता नाही केली. तर मनसे स्टाईल तीव्र आंदोलन करु”, असा इशारा विवेक धुमाळ यांनी दिला होता.

संबंधित बातमी : ‘शेवटचं निवेदन देतोय, स्कायवॉकवरील घाणीचं साम्राज्य हटवा’, मनसेचा केडीएमसीला इशारा

स्कायवॉकवरील साफसफाईचे काही फोटो

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.