कोल्हापुरात मटणाच्या दुकानांवर छापा, 125 किलो मांस नष्ट करण्याचे आदेश

इचलकरंजी शहरातील प्रसिद्ध 'भाग्यरेखा थिएटर' समोर असलेल्या 'जनता' आणि 'अप्सरा' या मटणाच्या दोन दुकानांवर कारवाई करण्यात आली (Ichalkaranji Mutton Shop Raid)

कोल्हापुरात मटणाच्या दुकानांवर छापा, 125 किलो मांस नष्ट करण्याचे आदेश
Follow us
| Updated on: Mar 14, 2020 | 1:03 PM

इचलकरंजी : इचलकरंजीत मटणाच्या दोन दुकानावर छापा घालून 125 किलो मटण जप्त करण्यात आलं आहे. फलक न लावता शेळी-मेंढीच्या मटणाची विक्री आणि गंजलेल्या हत्यारांच्या पार्श्वभूमीवर अन्न आणि औषध प्रशासन विभागाने ही कारवाई केली. (Ichalkaranji Mutton Shop Raid)

इचलकरंजी शहरातील प्रसिद्ध ‘भाग्यरेखा थिएटर’ समोर असलेल्या ‘जनता’ आणि ‘अप्सरा’ या मटणाच्या दोन दुकानांवर कारवाई करण्यात आली. कारवाईत 60 ते 70 हजार रुपये हजार रुपयाचा मुद्देमाल जप्त केल्याचा प्राथमिक अंदाज आहे. यामध्ये 110 ते 125 किलोच्या आसपास मटण जप्त करुन ते नष्ट करण्यास पाठवण्यात आले आहे.

अन्न आणि औषध प्रशासनाचे सहाय्यक आयुक्त मोहन केंबळकर यांच्या पथकाने इचलकरंजी नगरपरिषदेच्या सहकार्याने अचानक छापा मारुन मोठी कारवाई केली. ‘अप्सरा’ हे दुकान विनापरवाना चालत असलेले आढळून आले. तर जनता मटण शॉपमध्ये पालव्याचे मटण, मेंढीचे मटण याचा फलकच लावला नव्हता.

दोन्ही दुकानांमध्ये शेळी-मेंढी पालवे असल्याचे निदर्शनास आले. तसेच स्टीलची हत्यारे वापरण्याऐवजी कमानफाट्याची हत्यारे आढळून आली. या हत्यारांना गंजही चढलेला दिसत होता. खवय्यांच्या आरोग्याशी खेळ होत असल्याचा प्रकार समोर आल्याने अन्न प्रशासन अधिकाऱ्यांनी संपूर्ण मटण जप्त केलं. नगरपरिषदेच्या सहकार्याने जप्त मटण कचरा गाडीत घालून नष्ट करण्यासाठी पाठवलं. (Ichalkaranji Mutton Shop Raid)

दरम्यान, इचलकरंजी शहरात अनेक दिवसापासून मटण दराबाबत आंदोलन होत आहे. शासनाने घालून दिलेल्या नियमानुसार मटण विक्री केली जात नाही. शेळी, मेंढी, पालवेचे मटण बोकडाचे म्हणून विकले जाते, अशा तक्रारी येत होत्या. मात्र नगरपरिषदेकडून याबाबत कोणतीही कारवाई न झाल्याने नाराजी व्यक्त केली जात होती.

बकऱ्याची आरोग्य तपासणी केली जात नाही, त्याचप्रमाणे मटणाच्या दुकानातील कर्मचाऱ्यांचीही कोणत्याही पद्धतीने आरोग्य तपासणी केली नाही, असा आरोप होत आहे. मटण कापण्याच्या ठिकाणी कोणतीही स्वच्छता नसते, त्याशिवाय मटण कापल्यानंतर उरलेला भाग गटारात सोडला जातो, हेसुद्धा छाप्यात उघड झालं.

नगरपालिकेने याआधी कारवाई केली नसल्यामुळे मटण विक्रेत्यांच्या बेकायदेशीर कृत्याला नगरपालिकेकडून खतपाणी घातले जात असल्याचं बोललं जात होतं. इचलकरंजी शहरात अशी अनेक दुकाने आहेत. आता नगरपालिका त्यांना पुन्हा व्यवसाय करु देणार? की नागरिकांच्या जिवाशी खेळ करण्याचा परवाना देणार? याकडे समस्त इचलकरंजीकरांचे लक्ष लागून राहिले आहे. (Ichalkaranji Mutton Shop Raid)

आणखी बातम्या वाचा

Non Stop LIVE Update
बच्चू कडूचा राजकारणात कोणी बाप नाही, बच्चू कडू यांचा जोरदार प्रहार
बच्चू कडूचा राजकारणात कोणी बाप नाही, बच्चू कडू यांचा जोरदार प्रहार.
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.