VIDEO : मुस्लीम महिलेने भाजपचे सदस्यत्व घेतल्याने घरातून बाहेर काढले

भाजपाचे सदस्यत्व घेतल्यामुळे एका मुस्लिम महिलेला आपले घर खाली करावे लागले आहे. शनिवारी (6 जुलै) महिलेने उत्तर प्रदेशमध्ये सुरु असलेल्या भाजपच्या सदस्य नोंदणी कार्यक्रमात जाऊन सदस्यत्व घेतले.

VIDEO : मुस्लीम महिलेने भाजपचे सदस्यत्व घेतल्याने घरातून बाहेर काढले


लखनऊ : भाजपाचे सदस्यत्व घेतल्यामुळे एका मुस्लिम महिलेला आपले घर खाली करावे लागले आहे. शनिवारी (6 जुलै) महिलेने उत्तर प्रदेशमध्ये सुरु असलेल्या भाजपच्या सदस्य नोंदणी कार्यक्रमात जाऊन सदस्यत्व घेतले. यामुळे घर मालकाने मला घर खाली करायला सांगितले, असा आरोप या महिलेने घर मालकावर केला आहे. गुलिस्ताना असं या महिलेचं नाव आहे.

तक्रारदार महिलेने देहलीगेट पोलीस ठाण्यात या घटनेची तक्रार केली आहे. तक्रार केल्यानंतर पोलिसांनी आता कारवाई करण्यास सुरुवात केली आहे. ही घटना अलीगड येथील शाहजमाल एडीए कॉलनीतील आहे. येथे राहणाऱ्या गुलिस्तानाने भाजपच्या सदस्य नोंदणी अभियानातून पक्षाचे सदस्यत्व स्विकारले.

भाजप महिला मोर्चा मंत्री रुबी आसिफ खानसोबत तक्रारदार गुलिस्ताना रघुनाथ पॅलेसमध्ये भाजपच्या कार्यक्रमात गेल्या होत्या. तिथे मिस कॉलच्या माध्यमातून त्यांनी भाजपचे सदस्यत्व स्विकारले. कार्यक्रमातील फोटो रविवारी (7 जुलै) वृत्तपत्रात प्रकाशित झाला. गुलिस्तानला फोटोमध्ये पाहून घरमालक वैतागला आणि त्याने तिला घर खाली करण्यास सांगितले.

घर मालकाने अपशब्द वापरत महिलेला लवकरात लवकर घर खाली करण्यास सांगितले. घर मालक सुल्तान आणि त्याची पत्नी मदीना भाजपचे सदस्यत्व घेतल्यामुळे दोघांनीही तिला घरातून बाहेर काढण्याची धमकी दिली. तक्रार केल्यानंतर पोलिसांनी कारवाई करण्यास सुरुवात केली.

Click on your DTH Provider to Add TV9 MARATHI