स्वागताला हार-तुरे नको सांगणाऱ्या महापौरांच्या केबिनशेजारीच फुलांची सजावट

सत्कारासाठी हार, बुके आणू नका, तेच पैसे महापौर सहाय्यता निधीत जमा करा, दुष्काळग्रस्त शेतकऱ्यांना मदत होईल, असं आवाहन नागपूरचे महापौर संदीप जोशी यांनी जनतेला केलं होतं

स्वागताला हार-तुरे नको सांगणाऱ्या महापौरांच्या केबिनशेजारीच फुलांची सजावट
Follow us
| Updated on: Dec 27, 2019 | 1:23 PM

नागपूर : स्वागताला हार-तुरे आणि बुके आणू नका, या नागपूरचे महापौर संदीप जोशी यांनी केलेल्या आवाहनाला भाजप नगरसेवकानेच केराची टोपली दाखवल्याचं समोर आलं आहे. महापौरांच्या केबिनशेजारीच फुलांची सजावट (Nagpur Mayor Flower Decoration) करण्यात आल्याने हा विरोधाभास अधोरेखित झाला.

सत्कारासाठी हार, बुके आणू नका, तेच पैसे महापौर सहाय्यता निधीत जमा करा, दुष्काळग्रस्त शेतकऱ्यांना मदत होईल, असं आवाहन नागपूरचे महापौर संदीप जोशी यांनी जनतेला केलं. लोकांनीही त्याला चांगला प्रतिसाद दिला. एकीकडे हा स्तुत्य उपक्रम, तर दुसरीकडे महापौरांच्या केबिन शेजारीच हार, तुऱ्यांची सजावट करण्यात आली होती. ज्या पक्षाचे महापौर आहेत, त्याच भाजपचे नगरसेवक बाल्या बोरकर यांनी परिवहन सभापती म्हणून पदभार स्वीकारला, तेव्हा केबिनबाहेर फुलांची आरास करण्यात आली होती.

हौशी कार्यकर्त्यांनी फुलांच्या हारांनी सजावट केली आहे, त्यांच्या भावना आहेत. पण या कार्यकर्त्यांना नक्कीच समज दिली जाईल, असं नागपूरचे महापौर संदीप जोशी म्हणाले. त्यामुळे हार-तुऱ्यांवरुन कोणता ‘कलगीतुरा’ रंगणार, हे पाहणं उत्सुकतेचं आहे.

संदीप जोशी यांच्या गाडीवर काही दिवसांपूर्वी बाईकस्वार हल्लेखोरांनी तीन गोळ्या झाडल्या होत्या. सुदैवाने जोशी आणि त्यांचं कुटुंब या हल्ल्यातून सुखरुप बचावलं होतं. वर्धा रोडवर एम्प्रेस पॅलेस हॉलजवळ ही घटना घडली होती. अॅनिव्हर्सरी सेलिब्रेशन करुन परतताना हा हल्ला झाला होता.

कोण आहेत संदीप जोशी?

संदीप जोशी हे भाजपचे महापालिकेतील ज्येष्ठ नगरसेवक असून लघु उद्योग विकास महामंडळाचे अध्यक्ष आहेत. शिवाय माजी मुख्यमंत्री देवेंद्र फडणवीस यांचे निकटवर्तीय म्हणूनही ते ओळखले जातात. नुकत्याच पार पडलेल्या विधानसभा निवडणुकीत देवेंद्र फडणवीस यांच्या मतदारसंघात प्रचाराची जबाबदारी संदीप जोशी यांच्यावरच होती.

नोव्हेंबर महिन्यात संदीप जोशी यांच्याकडे नागपूरच्या महापौरपदाची जबाबदारी सोपवण्यात आली होती. संदीप जोशी हे भाजपच्या तिकीटावर नगरसेवकपदी निवडून आले आहेत. महापौरपदाच्या निवडणुकीत संदीप जोशी यांनी काँग्रेसच्या हर्षदा साबळे यांचा दणदणीत पराभव केला होता. संदीप जोशी यांना सव्वा वर्षांसाठी महापौरपद देण्यात आलं आहे.

पदभार स्वीकारल्यानंतर संदीप जोशी यांनी अतिक्रमणविरोधी मोहीम हाती घेतली होती. या मोहिमेमुळेच त्यांच्यावर प्राणघातक हल्ला झाल्याचा संशय व्यक्त केला जात आहे.

Nagpur Mayor Flower Decoration

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.