प्रियांका गांधींसोबत गैरवर्तन, नोएडा पोलिसांकडून खेद व्यक्त, चौकशीचे आदेश
काँग्रेस नेत्या प्रियांका गांधींच्या सोबत झालेल्या गैरवर्तन प्रकरणी नोएडा पोलिसांनी खेद व्यक्त करत चौकशीचे आदेश दिले आहेत. (Noida police profoundly regrets the incident happened with Priyanka Gandhi)
नोएडा: काँग्रेस नेत्या प्रियांका गांधींच्या सोबत झालेल्या गैरवर्तन प्रकरणी नोएडा पोलिसांनी खेद व्यक्त करत चौकशीचे आदेश दिले आहेत. महाराष्ट्राचे उर्जा मंत्री नितीन राऊत यांनी या प्रकरणी ट्विटद्वारे प्रश्न उपस्थित केले होते. राऊत यांच्या ट्विटला उत्तर देताना नोएडा पोलिसांनी प्रियांका गांधींसोबत घडलेल्या गैरवर्तन प्रकरणी भूमिका स्पष्ट केली. (Noida police profoundly regrets the incident happened with Priyanka Gandhi)
नितीन राऊत यांनी प्रियांका गांधींचा फोटो ट्विटरवर शेअर करत उत्तर प्रदेश पोलिसांविषयी प्रश्न उपस्थित केले होते. “कायद्याचे जानकार आणि पोलीस अधिकाऱ्यांनी प्रकरणाची दखल घ्यावी. पोलिसांच्या कार्यपद्धती मार्गदर्शिकेनुसार, कोणत्याही पुरुष पोलीस कर्मचाऱ्याला कोणत्याही महिलेला सार्वजनिकरित्या चुकीच्या पद्धतीने स्पर्श करता येत नाही. प्रियांका गांधी सोबत घडलेली घटना कायदेशीर आणि सामाजिक दृष्ट्या योग्य आहे का? उत्तर प्रदेश पोलिसांनी त्या पोलिसाला शिक्षा होईल का याचे उत्तर द्यावे, असे ट्विट नितीन राऊत यांनी केले होते.
कानूनी मामले के विशेषज्ञ और पुलिस अधिकारी संज्ञान लें- पुलिस के लिए मानक ऑपरेटिंग मैनुअल के अनुसार, पुरुष पुलिस कर्मी किसी महिला को सार्वजनिक रूप से अनुचित तरीके से छू नहीं सकते हैं। क्या यह कानूनी रूप से या सामाजिक रूप से उचित है?@Uppolice इस पुलिस वाले को क्या कोई सजा मिलेंगी? pic.twitter.com/NA2Xg4YGlc
— Dr. Nitin Raut (@NitinRaut_INC) October 4, 2020
नोएडा पोलिसांनी राऊत यांच्या ट्विटला उत्तर देताना प्रियांका गांधींसोबत घडलेल्या घटनेवर खेद व्यक्त केला.”डीएनडी उड्डाणपुलावर अनियंत्रित गर्दीला नियंत्रित करताना प्रियांका गांधींसोबत घडलेल्या घटनेबद्दल नोएडा पोलीस खेद व्यक्त करत आहेत. पोलीस उपायुक्त कार्यालयाने याचे स्वत:हून दखल घेतली आहे. एका वरिष्ठ महिला अधिकाऱ्याकडून या प्रकरणी चौकशीचे आदेश दिले आहेत. चौकशीनंतर दंडात्मक कारवाई करण्यासाठी नोएडा पोलीस कटिबद्ध आहेत. महिलांचा सन्मान आमच्यासाठी महत्वाचा आहे,” असे नोएडा पोलिसांनी ट्विट मध्ये म्हटले आहे.
@noidapolice profoundly regrets the incident @priyankagandhi while handling an unruly crowd at the DND. The DCP HQ has taken suomotto cognizance of it & ordered an inquiry to be conducted by a senior Lady officer. We @noidapolice are committed to ensure safety & dignity of women.
— POLICE COMMISSIONERATE NOIDA (@noidapolice) October 4, 2020
प्रियांका गांधी शनिवारी हाथरस पीडितेच्या कुटुंबियांना भेटण्यासाठी असताना डीएनडी उड्डाणपुलावर रोखण्यात आले होते. यावेळी पोलीस कर्मचाऱ्याकडून प्रियांका गांधींसोबत गैरवर्तन झाल्याने यूपी पोलिसांवर टीका करण्यात होत होती.
— POLICE COMMISSIONERATE NOIDA (@noidapolice) October 4, 2020
संबंधित बातम्या:
प्रियांका गांधींची पोलिसांनी पकडली कॉलर, भाजपवालो करारा जबाब मिलेगा – सत्यजित तांबे
न्याय होईपर्यंत लढतच राहू; हाथरसमधून प्रियांका गांधींनी योगी सरकारला ललकारले
(Noida police profoundly regrets the incident happened with Priyanka Gandhi)
