गरिबीला कंटाळून तीन मुलांची हत्या करुन आईचीही आत्महत्या

पुणे : जन्मदात्या आईनेच आपल्या तीन मुलांची हत्या करत स्वत: आत्महत्या केली आहे. ही घटना पिंपरी-चिंचवडमधील भोसरी येथे घडली. या धक्कादायक प्रकारामुळे परिसरात एकच खळबळ उडाली आहे. फातिमा बागवान असं या आईचे नाव आहे. गरिबीला कंटाळून नैराश्यामध्ये येऊन हे पाऊल उचललं असल्याचे बोललं जात आहे. पिंपर-चिंचवड पोलीस या घटनेचा अधिक तपास करत आहेत.

मृत फातिमा बागवान हिचे रविवारी (28 जुलै) पतीसोबत जोरदार भांडण झाले होते. हा वाद इतका टोकाला गेला की, फातिमाचा पती घरा बाहेर पडला आणि तिने तीन मुलांसह आत्महत्या केली.

थोड्यावेळाने फातिमाचा पती घरी परतला. पण बराच वेळ दार वाजवूनही कुणीच प्रतिसाद देत नसल्याने फातिमाच्या पतीने पोलिसांना बोलावून दार उघडलं आणि एका क्षणात होत्याच नव्हतं झाल्याच त्याला बघायला मिळाल. संपूर्ण परिवार फासावर लटकेललं पाहून पोलिसांनाही धक्का बसला.

पोलीस आणि फातिमाच्या नातवाईकांनी दिलेल्या माहितीनुसार केवळ नैराश्यातून तिने ही आत्महत्या केली असल्याचे म्हटलं जात आहे.

सर्व मृतदेहांचे शव विच्छेदन झाल्यानंतर या घटनेतील अनेक सत्य  पुढे येतील. मात्र तोपर्यंत तरी फातिमा आणि तिचे तीनही निरागस मुलं केवळ गरिबीने आलेल्या नैराश्याने घेतलेले बळीच आहेत अस म्हटलं तर  वावग ठरणार नाही.