लॉकडाऊनमध्ये लगीनघाई, नगरमध्ये बस्ता बांधण्यासाठी गेलेल्या 18 वऱ्हाडींवर कारवाई

कोरोना विषाणूचा प्रादुर्भाव रोखण्यासाठी केंद्र सरकारकडून देशात लॉकडाऊन घोषित केला (Wedding shopping during lockdown ahmednagar) आहे.

लॉकडाऊनमध्ये लगीनघाई, नगरमध्ये बस्ता बांधण्यासाठी गेलेल्या 18 वऱ्हाडींवर कारवाई

अहमदनगर : कोरोना विषाणूचा प्रादुर्भाव रोखण्यासाठी केंद्र सरकारकडून देशात लॉकडाऊन घोषित केला (Wedding shopping during lockdown ahmednagar) आहे. या लॉकडाऊन दरम्यान जीवनावश्यक सेवा सोडून इतर सर्व सेवा पूर्णपणे बंद केल्या आहेत. असे असतानाही लॉकडाऊनमध्ये अहमदनगरमधील पाथर्डी शहरातील एका कुटुंबाने कोरोनाचे सर्व निर्बंध मोडून चक्क कपड्यांच्या दुकानात जाऊन लग्नाचा बस्ता बांधला. पोलिसांना या घटनेची माहिती मिळताच त्यांनी तातडीने घटनास्थळी येऊन 18 जणांना ताब्यात घेऊन त्यांच्यावर गुन्हा दाखल (Wedding shopping during lockdown ahmednagar) केला.

लॉकडाऊनसह राज्यात संचारबंदी असतानाही पाथर्डीमधील कुटुंबाकडून सर्व नियम मोडून लग्नाचा बस्ता बांधल्याने त्यांच्यावर कारवाई करण्यात आली आहे. प्रांताधिकारी देवदत्त केकाण यांच्या गुप्त माहितीव्दारे सहाय्यक पोलीस निरीक्षक वसंत पवार, पोलीस कॉन्स्टेबल ईश्वर गर्जे, अनिल बडे, जयदत्त बांगर, नारायण कुटे, प्रदीप बोरुडे या पथकाने ही कारवाई केली.

राज्यात लॉकडाऊनसह संचारबंदी लागू करण्यात आली आहे. त्यामुळे ज्यांचे लग्न होते त्या लोकांनी आपले लग्न पुढे ढकलले तर काहींनी घरातच लग्न केले. विशेष म्हणजे काहींनी तर ऑनलाऊन फेसबुक लाईव्ह, व्हिडीओ कॉलद्वारे लग्न सोहळा पार पाडला आहे.

कोरोनाच्या पार्श्वभूमीवर राज्यात एकही धार्मिक कार्यक्रम, कौटुंबिक कार्यक्रम साजरा करण्यावर बंदी घालण्यात आली आहे. त्यामुळे अनेकांनी आपली लग्नं साध्या पद्धतीने घरातच केली आहेत.

दरम्यान, राज्यात दिवसेंदिवस कोरोना रुग्णांची संख्या वाढत आहे. आतापर्यंत 4666 कोरोना रुग्ण आढळले आहेत. तर देशात 18 हजारांपेक्षा अधिक कोरोना रुग्ण आढळले आहेत.

संबंधित बातम्या : 

कोरोनामुळे साखरपुड्यातच लग्न उरकलं, वाचलेले पैसे मुख्यमंत्री सहाय्यता निधीला

जळगावात फेसबुक लाईव्हवर लग्न, नवदाम्पत्याकडून मुख्यमंत्री सहाय्यता निधीला 25 हजार


Published On - 5:08 pm, Tue, 21 April 20

Click on your DTH Provider to Add TV9 MARATHI