Video Amravati Leopard : अमरावती विद्यापीठात बिबट्याचा वावर, कुत्र्यांना घाबरून भिंतीवरून उडी, सीसीटीव्हीत घटना कैद
गेटच्या आतमध्ये बिबट्या दिसतो आहे. तो इकडं तिकडं फिरत आहे. त्यानंतर तो भिंतीवर उभा राहून बाहेर बघत आहे. पण, त्याला बाहेर पडता येत नाही. त्यानंतर तो भिंतीवर चढतो. तिथून खाली झेप घेतो. गेटच्या बाहेर काही कुत्रे त्याच्यावर भुंकतात. त्यामुळं बिबट त्यांना घाबरून पुन्हा गेटच्या आत उडी मारतो. भिंतीवर चढतो. भिंतीवरून उडी मारून पळ काढतो.
अमरावती : संत गाडगेबाबा अमरावती विद्यापीठ (Amravati University) परिसरात अनेक दिवसांपासून बिबट्याचा वावर वाढला आहे. त्यातच विद्यापीठात लगत असणाऱ्या गुरुकृपा कॉलनी (Gurukrupa Colony) येथील दादाराव चांदणे यांच्या घराच्या आवारात बिबट शिरला. घराच्या आवारात बिबट शिरल्याचे सीसीटीव्हीमध्ये कैद झाले आहे. घरापर्यंत बिबट पोचल्यामुळे विद्यापीठ लगतच्या परिसरात खळबळ उडाली आहे. घराच्या कुंपणाची भिंत ओलांडून या बिबट्याने घराच्या आवारात प्रवेश केला. यावेळी दोन कुत्रे बिबट्या मागे धावल्यामुळे त्याने फाटकावरुन उडी मारुन थेट रस्ता ओलांडला. अन् विद्यापीठाच्या भिंतीवरुन (University Wall) बिबट्या उडी मारुन पसार झाला.
पाहा व्हिडीओ
अमरावती विद्यापीठ परिसरात बिबट्याचा वावर pic.twitter.com/KVbb56PR7t
हे सुद्धा वाचा— Govind Hatwar (@GovindHatwar) July 2, 2022
नेमकं काय दिसतं
गेटच्या आतमध्ये बिबट्या दिसतो आहे. तो इकडं तिकडं फिरत आहे. त्यानंतर तो भिंतीवर उभा राहून बाहेर बघत आहे. पण, त्याला बाहेर पडता येत नाही. त्यानंतर तो भिंतीवर चढतो. तिथून खाली झेप घेतो. गेटच्या बाहेर काही कुत्रे त्याच्यावर भुंकतात. त्यामुळं बिबट त्यांना घाबरून पुन्हा गेटच्या आत उडी मारतो. भिंतीवर चढतो. भिंतीवरून उडी मारून पळ काढतो.
बिबट्याचा बंदोबस्त करण्याची मागणी
बिबट्या विद्यापीठ परिसरात आल्यानं तो काय शिकायला आला होता का, असा उपहास केला जात आहे. पण, काहींच्या मनात भीती निर्माण झाली आहे. असाच बिबट्याचा वावर असल्यास घराबाहेर कसं पडायचं, असं स्थानिकांच म्हणणय. या बिबट्याचा वनविभागाच्या कर्मचाऱ्यांनी शोध घेऊन त्याला जेरबंद करावे, अन्यथा काही दुर्घटना झाल्यास वनविभाग जबाबदार असेल, असा इशारा दिला आहे.
कुत्रे ठरले पॉवरफूल
बिबट्या दिसताच कुत्रे भुंकू लागले. तीन-चार कुत्रे पाहून बिबट्या घाबरला. त्यानंतर तो पळून गेला. या कुत्र्यांच्या टोळीचा सामना करणं काही सोपं काम नाही, असं त्याला वाटलं असेल.