आणेवाडी टोलनाका आंदोलन प्रकरणात शिवेंद्रराजे भोसलेंसह 16 कार्यकर्त्यांना जामीन मंजूर

आज या प्रकरणात न्यायालयातील सुनावणीनंतर शिवेंद्रराजेंसह 16 कार्यकर्त्यांना 5 हजाराच्या जातमुलख्यावर जामीन मंजुर करण्यात आला आहे.

  • संतोष नलावडे, टीव्ही 9 मराठी, सातारा
  • Published On - 17:01 PM, 27 Nov 2020

सातारा : मागील वर्षात राष्ट्रीय महामार्गावर रस्त्याची दुरावस्था, सुविधांचा अभाव या प्रकरणी आमदार शिवेंद्रराजे भोसले यांनी आणेवाडी टोलनाक्यावर 18 डिसेंबर 2019 रोजी आंदोलन केले होतं. आज या प्रतकरणात न्यायालयातील सुनावणीनंतर शिवेंद्रराजेंसह 16 कार्यकर्त्यांना 5 हजाराच्या जातमुचलक्यावर जामीन मंजूर करण्यात आला आहे. या प्रकरणाची पुढील सुनावणी 9 डिसेंबरला होणार असल्याची माहिती देण्यात आली आहे. (Bail granted to 16 activists including Shivendra Raje Bhosale in Anewadi Tolanaka agitation case)

शिवेंद्रराजे भोसले यांच्या नेतृत्वाखाली सातारा येथील पुणे-बेंगलोर राष्ट्रीय महामार्गावर असलेल्या आणेवाडी टोल नाक्यावर 18 डिसेंबर 2019 रोजी आंदोलन करण्यात आलं होतं. मागील वर्षभरापासून सातारा-पुणे महामार्गाची दुरावस्था झाली आहे. याबाबत राष्ट्रीय महामार्ग प्राधिकरणाला रस्ते दुरुस्तीसाठी 15 दिवसांचा अल्टीमेटमही देण्यात दिला होता. मात्र, रस्ते दुरुस्तीची कामे वेळेत पूर्ण न झाल्याने शिवेंद्रराजे भोसले यांनी थेट आणेवाडी टोलनाक्यावर मोर्चा नेला होता. भोसले समर्थकांनी यावेळी टोल वसुली बंद करत नाक्यावरील वाहने पैसे न घेता सोडली. यावेळी शिवेंद्रराजेंनी वाहन चालकांना टोलनाक्यावर गुलाबाचे फुलही दिले होते. (Bail granted to 16 activists including Shivendra Raje Bhosale in Anewadi Tolanaka agitation case)

पुणे-बेंगलोर राष्ट्रीय महामार्गावर सातारा-पुणे महामार्ग सोडला तर इतर रस्ते सुस्थितीत आहेत. मात्र, आणेवाडी आणि खेडशिवापूर टोलनाक्याच्या दरम्यानचा रस्ता अत्यंत खराब असल्याची तक्रार सामान्य प्रवासी करत होते. त्यामुळे हे आंदोलन करण्यात आलं होतं.

इतर बातम्या –

… तर मराठ्यांचे दुसरे सामाजिक पानिपत होईल; शिवेंद्रराजे भोसले यांचा इशारा

भाजप आमदार शिवेंद्रराजे अजित पवारांच्या भेटीला, राजकीय चर्चेला उधाण

(Bail granted to 16 activists including Shivendra Raje Bhosale in Anewadi Tolanaka agitation case)