‘आमदार मेटे साहेब उधारी द्या’, जाहिरातीचे पैसे वसूल करण्यासाठी वृत्तपत्रानं बातमीच छापली!

शिवसंग्रामचे नेते आमदार विनायक मेटे यांच्याकडे असलेले जाहिरातीचे पैसे वसूल करण्यासाठी बीडमधील एका वृत्तपत्राने थेट बातमीच छापली आहे. त्यात मेटे यांच्याकडील उधारीचा आकडाही देण्यात आला आहे.

'आमदार मेटे साहेब उधारी द्या', जाहिरातीचे पैसे वसूल करण्यासाठी वृत्तपत्रानं बातमीच छापली!
विनायक मेटे, नेते, शिवसंग्राम
Follow us
| Updated on: Dec 06, 2020 | 6:26 PM

बीड: शिवसंग्राम पक्षाचे नेते आमदार विनायक मेटे यांच्याकडील जाहिरातीची उधारी वसूल करण्यासाठी बीड जिल्ह्यातील लोकाशा या वृत्तपत्रानं थेट जाहिरातच छापली आहे. लोकाशाने छापलेल्या बातमीनुसार दिवाळी अंक 2017, 2018 आणि 2019च्या वर्धापनदिनाला आमदार मेटे आणि त्यांचे भाऊ रामहरी मेटे यांनी जाहिरात दिली होती. त्याचे पैसे अद्याप दिले नसल्याचं या बातमीमधून सांगण्यात आलं आहे. जाहिरातीचे पैसे मागण्यासाठी थेट बातमी छापण्याचा हा प्रकार राज्यात चर्चेचा विषय ठरत आहे. (lokasha news on Vinayak Mete about advertising money)

संबंधित वृत्तपत्राने छापलेल्या बातमीमध्ये एका फोर्ड गाडीचा फोटो देण्यात आला आहे. ही गाडी विनायक मेटे यांची असल्याचं सांगण्यात आलं आहे. ‘सर्वप्रथम आपण फोर्ड कंपनीची गाडी घेतल्याबद्दल अभिनंदन. आपण शून्यातून विश्व निर्माण केले याबाबत जनतेला नेहमीच कौतुक राहिले आहे. गावातून मुंबई जिंकण्याची किमया आपण गेली 25 वर्षे साधत आहात. त्याचेही विश्लेषण करता येईल. मात्र, आजचे प्रयोजन आपल्याकडील उधारी मागण्याचे आहे. महाराष्ट्राचा डोलारा सांभाळताना आपल्याला आठवण राहिली नसेल किंवा आम्हीच आपणास आठवण करुन देण्यास कमी पडलो असू. म्हणून आपल्याला आज जाहीर आठवण करुन देत आहोत’, असं या बातमीमध्ये छापण्यात आलं आहे. या बातमीप्रमाणे विनायक मेटे यांच्याकडे 77 हजार रुपये, तर त्यांचे भाऊ रामहरी मेटे यांच्याकडे 20 हजार रुपये उधारी बाकी असल्याचं सांगण्यात आलं आहे.

पत्रकाराच्या पगारातून पैसे कपात!

जाहिरात हेच वर्तमानपत्रातील कर्मचाऱ्यांच्या पोटापाण्याचं साधन असतं. पण अनेकदा अनेक पुढारी, अनेक लोक जाहिरातीचे पैस बुडवतात. त्याचा फटका वृत्तपत्रांच्या कर्मचाऱ्यांना सोसावा लागतो. दैनिक लोकाशाचे वृत्त संपादक भागवत तावरे यांच्यामार्फत मेटे यांची जाहिरात आली होती. त्यामुळे त्यांच्या वेतनातून या जाहिरातीचे पैसे कापण्यात आले. त्यानंतर तावरे यांनी मेटे यांच्या उधारीची चांगलीच चर्चा घडवून आणली. त्यानंतर आमदार विनायक मेटे यांनी असे अनेकांचे पैसे दिले नसल्याची चर्चा सुरु आहे. आता तावरे यांची फेसबूक पोस्ट आणि लोकशाने पहिल्याच पानावर छापलेली जाहिरात राज्यात चांगलीच चर्चिली जात आहे.

दरम्यान या बातमीबाबत आम्ही आमदार विनायक मेटे यांना संपर्क साधण्याचा प्रयत्न केला असता, त्यांनी प्रतिक्रिया देण्यास नकार दिला आहे.

संबंधित बातम्या:

राज्य सरकारची नियत चांगली नाही, त्यांना मराठा समाजाला न्याय द्यायचा नाही, विनायक मेटेंचा घणाघात

“नितीन राऊतांनी शब्द पाळला नाही तर आंदोलनाचं हत्यार उपसू”, महावितरणच्या भरती प्रक्रियेवरुन विनायक मेटेंचा इशारा

lokasha news on Vinayak Mete about advertising money

Non Stop LIVE Update
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?.
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच.