‘खोके घेतल्याचा पुरावा द्या, तुमचे आयुष्यभर पाय चेपू’, शिंदे गटाच्या आमदाराचं उद्धव ठाकरे यांना खुलं चॅलेंज

शिवसेना पक्षप्रमुख उद्धव ठाकरे यांनी सत्तांतरासाठी खोके (पैसे) घेतल्याचे पुरावे द्यावे. त्यांनी पुरावे दाखवल्यास आम्ही आयुष्यभर त्यांचे पाय चेपू, असं आव्हान शिंदे गटाकडून देण्यात आलंय.

'खोके घेतल्याचा पुरावा द्या, तुमचे आयुष्यभर पाय चेपू', शिंदे गटाच्या आमदाराचं उद्धव ठाकरे यांना खुलं चॅलेंज
Follow us
| Updated on: Nov 27, 2022 | 4:58 PM

बुलढाणा : शिवसेना पक्षप्रमुख उद्धव ठाकरे यांनी सत्तांतरासाठी खोके (पैसे) घेतल्याचे पुरावे द्यावे. त्यांनी पुरावे दाखवल्यास आम्ही आयुष्यभर त्यांचे पाय चेपू, असं मोठं विधान मुख्यमंत्री एकनाथ शिंदे यांच्या गटाचे आमदार संजय गायकवाड यांनी केलं. उद्धव ठाकरे यांच्याकडे टीका करण्यासाठी दुसरे कोणतेच विषय नाहीत. त्यामुळे ते खोक्यांचा आरोप करत आहेत, असाही दावा त्यांनी केला. तसेच खोके कुणाकडे जाऊ शकतात ते सर्वांना माहितीय, असा टोला संजय गायकवाड यांनी उद्धव ठाकरेंना लगावला.

“जे बोलले ते खोके, बोके या विषयीच बोलले. याशिवाय त्यांच्याकडे दुसरा विषयच नाही. खोक्यांच्या विषयाशिवाय दुसरा विषय तुम्हाला गेल्या तीन-चार महिन्यामध्ये मांडता आला?”, असा सवाल संजय गायकवाड यांनी केला.

“उद्धव ठाकरेंनी सीआयडी किंवा कोणतीही तपास यंत्रणाच्या माध्यमातून एक तरी पुरावा खोक्यांच्या आणून दाखवावा. त्यांनी जर हे केलं तर आम्ही आयुष्यर त्यांचे पाय चेपत बसू. त्यांनी एकदा तरी सिद्ध करुन दाखवावं”, असं आव्हान संजय गायकवाड यांनी दिलं.

उद्धव ठाकरेंनी काल बुलढाणा जिल्ह्यात शेतकरी संवाद मेळावा आयोजित केला होता. पण याच मेळाव्यावरुन संजय गायकवाड यांनी निशाणा साधला. “पहिली गोष्ट म्हणजे शेतकऱ्यांचा मेळावा कार्यक्रमाचं आयोजन केलं. पण जेवढ्या लोकांनी त्या ठिकाणी भाषण केलं त्यापैकी कुणीही शेतकऱ्यांच्या विषयवार बोललं नाही”, असं संजय गायकवाड म्हणाले.

“शेतकऱ्यांच्या व्यथा, दु:ख, वेदना, अडचणी यावर कोणी बोललं नाही. तसेच शेतकऱ्यांच्या समस्यांवर मार्ग काढण्यासाठी सरकारने काय करावं, याबद्दलही कुणी काहीच बोललं नाही. मला त्या सभेमधून शेतकऱ्यांसाठी काही निष्पन्न झालं, असं काही दिसलं नाही”, अशी प्रतिक्रिया त्यांनी दिली.

“या लोकांना महाराष्ट्रामध्ये दुसरे काही प्रश्न शिल्लक राहिलेले दिसत नाहीत. मुख्यमंत्री एकनाथ शिंदे यांना बोलायचं की, महाराष्ट्रात देव नाही का? मग गुवाहाटीतील देव काही हिंदू धर्मियांचे देव नाहीत का? त्यांच्या दर्शनाला जाऊ शकत नाही का?” असे सवाल संजय गायकवाड यांनी केले.

“एकनाथ शिंदेंना बोलतात की त्यांना स्वत:चं भविष्य नाही, लोकांचं भविष्य काय घडवणार? तुमचं काँग्रेस-राष्ट्रवादीसोबतचं काय भविष्य आहे? शिवसेना-भाजप या नैसर्गिक युतीमध्ये आम्ही आहोत. पण तुम्ही सगळं अनैसर्गिक करुन बसले. तुमचं काय भविष्य आहे मग?”, असा प्रश्न संजय गायकवाड यांनी उपस्थित केला.

“आम्ही बाळासाहेब ठाकरे यांचे शिवसैनिक असल्यामुळे भाजपच्या तिकीटावर लढण्याचा प्रश्नच नाही. आम्ही धनुष्यबाणावरच निवडणूक लढणार आहोत. एवढंच होईल की, आम्ही भाजप-शिवसेना युतीत लढू”, असंदेखील ते म्हणाले.

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.