पाणी पंप दुरुस्तीसाठी विहिरीत उतरलेला तरुण गुदमरला, वाचवण्यासाठी गेलेल्यांसह विषारी वायूने चौघांचा मृत्यू

विहिरीतील पाणीपंप दुरुस्ती करताना विषारी वायूने चौघांचा गुदमरुन मृत्यू झाल्याची धक्कादायक घटना घडली आहे (Four people died due to toxic gas in Gondia).

पाणी पंप दुरुस्तीसाठी विहिरीत उतरलेला तरुण गुदमरला, वाचवण्यासाठी गेलेल्यांसह विषारी वायूने चौघांचा मृत्यू
Follow us
| Updated on: Jul 02, 2020 | 7:37 PM

गोंदिया : ऐन पावसाळ्यात शेतीच्या कामांना वेग आला आहे. अशातच गोंदिया जिल्ह्यातील आमगाव तालुक्यात विहिरीतील पाणीपंप दुरुस्ती करताना विषारी वायूने चौघांचा गुदमरुन मृत्यू झाल्याची धक्कादायक घटना घडली आहे (People died due to toxic gas in Gondia). ही घटना पानगाव येथे घडली. भांडारकर कुटंबीयांच्या अंगणात असलेल्या विहिरीतील पाण्याचा पंप खराब झाला होता. पंप सुरु होत नसल्याने एकजण पंपात पाणी भरण्यासाठी विहिरीत उतरला. मात्र, विहिरीतील विषारी वायूमुळे तो गुदमरला. त्याला वाचवण्यासाठी इतर तिघेजण विहिरीत उतरले. मात्र, त्यांचाही या विषारी वायूने गुदमरुन मृत्यू झाला. या घटनेमुळे गावात शोककळा पसरली आहे.

पानगावातील आत्माराम भांडारकर यांनी आपल्या घरासमोर एक विहिरी खोदली. त्या विहिरीचं वास्तूपूजन होतं. त्यामुळे आत्माराम भांडारकर यांचा 32 वर्षीय झणकलाल भांडारकर हा विहिरीतील पंपामध्ये पाणी भरण्यासाठी विहिरीत उतरला. मात्र, बराचवेळ होऊनही झणकलाल विहिरीच्या बाहेर न आल्याने त्याचे वडील आत्माराम भांडारकर हे विहिरीत उतरले. मात्र, तेही बराचवेळ बाहेर आले नाही आणि कोणतीही हालचाल झाली नाही. त्यामुळे आत्माराम यांचा 36 वर्षीय पुतण्या राजू भांडारकर विहिरीत उतरला. मात्र, तोही विहिरीत जाऊन बाहेर आलाच नाही. अखेर त्यांच्या घराशेजारी असलेले 50 वर्षीय धनराज गायधने या तिघांना शोधण्यासाठी विहिरीत उतरले. मात्र, तेही विहिरीत उतरल्यानंतर बाहेर आलेच नाही.

या धक्कादायक प्रकारानंतर भांडारकर कुटुंबाने याची माहिती गावकऱ्यांना दिली. गावकऱ्यांनी आणि पोलिसांनी घटनास्थळी पोहचत विहिरीची तपासणी केली. तेव्हा विहिरीतून वास येत असल्याचं लक्षात आलं. यानंतर अग्निशमन दलाला पाचारण करण्यात आलं. अग्निशमन दलाने शोध घेतल्यानंतर विहिरीत 4 मृतदेह आढळले. या मृतदेहांचं शवविच्छेदन करण्यासाठी मृतदेह आमगाव ग्रामीण रुग्णालयात पाठविण्यात आले आहेत. सालेकसा पोलीस या घटनेचे इतर कंगोरे देखील तपासत आहेत. या घटनेने संपूर्ण गावात शोककळा पसरली आहे.

हेही वाचा :

राज्यातील सव्वाअकरा लाख शेतकऱ्यांना जुलैअखेरपर्यंत कर्जमाफी, सहकार मंत्र्यांची मोठी घोषणा

Akola Janta Curfew | अकोटमध्ये 3 ते 9 जुलैपर्यंत ‘जनता कर्फ्यू’, नागरिकांनी सहकार्य करावं, बच्चू कडू यांचं आवाहन

लॉकडाऊनचा फटका, पुण्यातील इस्टेट एजंट बनला सोनसाखळी चोर

People died due to toxic gas in well in Gondia

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.