नागपुरात सामाजिक संस्थेकडून अन्नदानाचा समारोप पुरणपोळीने, 17 हजार गरजूंना जेवणाचा लाभ
लॉकडाऊनच्या काळात सुरु झालेले कम्युनिटी किचन आता हळू हळू बंद होत (Karmyogi Foundation Distribute food) आहे.
नागपूर : लॉकडाऊनच्या काळात सुरु झालेले कम्युनिटी किचन आता हळू हळू बंद होत (Karmyogi Foundation Distribute food) आहे. नागपूर जिल्ह्यातील बुटोबोरी औद्योगीक वसाहत परिसरात कर्मयोगी फाऊंडेशनने 71 दिवस कम्युनिटी किचन चालवलं आणि काल पुरणपोळीचं जेवण देऊन बुटीबोरीतील या अन्नदानाच्या उपक्रमाचा समारोप (Karmyogi Foundation Distribute food) झाला.
बुटीबोरी औद्योगिक वसाहतीत काम करणाऱ्या काही तरुणांनी कर्मयोगी फाऊंडेशनच्या माध्यमातून तब्बल 71 दिवस अन्नदान केलं. बुटीबोरी हे महामार्गावर असलेलं गाव आहे. महामार्गावरुन पायपीट करत जाणाऱ्या मजुरांना या कम्युनिटी किचनचा मोठा आधार झाला आहे. 71 दिवसांत 17 हजार गरजूंना इथून अन्नदान करण्यात आलं.
मुंबई, पुणे, हैदराबाद, नाशिक, तेलंगणावरुन आलेल्या मजुरांना जेवणं देण्याचं काम या कम्युनिटी किचनमधून करण्यात आलं. काल पुरणपोळीचं जेवण देवून या अन्नदानाच्या उपक्रमाचा समारोप झाला.
दरम्यान, राज्यात लॉकडाऊननंतर मोठ्या प्रमाणात मजुरांवर उपासमारीची वेळ आली होती. यावेळी राज्यातील अनेक सामाजिक संघटनांनी पुढे येऊन मजुरांना जेवणाचे वाटप केले. आजही रस्त्यावर राहणाऱ्या गरिबांना काही सामाजिक संस्था अन्नदान करत आहेत.
संबंधित बातम्या :
Maharashtra Corona Update | राज्यात 2,361 नवे रुग्ण, कोरोनाबाधितांचा आकडा 70 हजारांच्या पार
एकीकडे ‘एक देश, एक रेशन कार्ड’ला सुरुवात, दुसरीकडे रेशन दुकानदारांचं संपाचं हत्यार