LIVE : गोकुळ दूधाचे संकलन बंद, मुंबई-पुण्यात दूधाचा तुटवडा जाणवण्याची शक्यता

LIVE : गोकुळ दूधाचे संकलन बंद, मुंबई-पुण्यात दूधाचा तुटवडा जाणवण्याची शक्यता
Picture

कोल्हापूर : गोकुळचे दूध संकलन बंद

कोल्हापूर : गोकुळचे दूध संकलन बंद, कोल्हापूरातील महापुरामुळे दूध संकलन बंद करण्याचा निर्णय, दूध संकलन बंद केल्यामुळे मुंबई-पुण्यात दूध तुटवडा जाणवण्याची शक्यता, दूध वाहतुकीस अडचण होत असल्याने निर्णय

06/08/2019,4:06PM
Picture

LIVE : सांगली : कृष्णा नदीला पूराच्या पाण्याचा वेढा, गावात 3 हजार लोक अडकले

06/08/2019,4:01PM
Picture

गोवा : आंबोली घाटात दरड, झाडे कोसळल्याने वाहतूक बंद

06/08/2019,3:50PM
Picture

कोल्हापूर : मुसळधार पावसामुळं कोल्हापूर जिल्ह्यातील केकले परिसरातील ज्योतिबा डोंगराचा काही भाग खचला

06/08/2019,3:49PM
Picture

बेळगाव - तुफान पावसाने रस्त्यावर गुडघाभर पाणी, बेळगाव-कोल्हापूर महामार्गावर पाण्यात अडकलेली बस जेसीबीने ओढून काढली

06/08/2019,3:31PM
Picture

पुणे : भोर तालुक्यातील ब्रिटीशकालीन भाटघर धरणाला मोठ्या प्रमाणात गळती

06/08/2019,3:18PM
Picture

सोलापूर : माळशिरस तालुक्यातून वाहणाऱ्या नीरा व भीमा नदीला पूर आल्याने नदीकाठची गावे जलमय

सोलापूर : माळशिरस तालुक्यातून वाहणाऱ्या नीरा व भीमा नदीला पूर आल्याने नदीकाठची गावे जलमय, टेंभुर्णी – अकलूज रस्त्यावरील संगम येथील भीमा नदीवरील पूल पाण्याखाली, टेंभुर्णी अकलूज रस्ता वाहतुकीसाठी बंद

06/08/2019,3:11PM
Picture

सांगली : कृष्णा नदीला महापूर, 80 गावांत पूरसदृश परिस्थिती

06/08/2019,2:56PM
Picture

सोलापूर : उजनी धरणातून भीमा नदीत पाणी सोडले

06/08/2019,2:49PM
Picture

संभाजी ब्रिगेड विधानसभेसाठी राष्ट्रवादी काँग्रेसचे काम करणार

संभाजी ब्रिगेड विधानसभेसाठी राष्ट्रवादी काँग्रेसचे काम करणार आहे, असा निर्णय प्रवीण गायकवाड यांच्या अध्यक्षतेखाली झालेल्या कार्यकारिणीच्या बैठकीत घेण्यात आला. प्रवीण गायकवाड यांनी लोकसभा निवडणुकीच्यावेळी शेकापमधून काँग्रेसमध्ये प्रवेश केला होता. शिवाय लोकसभेसाठी गायकवाड काँग्रेसकडून इच्छुक होते. मात्र काँग्रेसने आमची कसलीच दखल न घेतल्यामुळे आम्ही राष्ट्रवादीचे काम करण्याचा निर्णय घेतला आहे, अशी माहिती संभाजी ब्रिगेडचे प्रवीण गायकवाड यांनी दिली.

06/08/2019,12:55PM
Picture

बेळगाव-गोवा राष्ट्रीय महामार्ग बंद

बेळगाव-गोवा राष्ट्रीय महामार्ग 4 ए बंद करण्यात आला आहे. चोर्ला गावाजवळ दरड कोसळल्याने हा महमार्ग बंद करण्यात आला आहे. तसेच एक ट्रक पलटी झाला आहे.

06/08/2019,12:48PM
Picture

भोर तालुक्यातील भाटघर धरणाला मोठ्या प्रमाणात गळती

भोर तालुक्यातील ब्रिटिश कालीन भाटघर धरणाला मोठ्या प्रमाणात गळती सुरु झाली. 91 वर्षाचे हे धरण आहे. गळती सुरु झाल्यामुळे परिसरात भीतीचं वातावरण निर्माण झाले आहे. 24 tmc धरण आहे. सध्या जोरदार पाऊस सुरु आहे. धरणातून 40 हजार क्युसेसने विसर्ग सुरु आहे.

06/08/2019,12:43PM
Picture

जालन्यात बोगस किटकनाशकाचा साठा जप्त

जालन्यात बोगस किटकनाशकाचा साठा जप्त केल्याने एकच खळबळ उडाली आहे. पोलीस, महसूल आणि कृषी विभागाने ही कारवाई केली आहे. भोकरदन राजूर रोडवरील समृद्धी ऍग्रोच्या गोदामावर छापा टाकून ही कारवाई केली आहे. औषधाचे नमुने प्रयोगशाळेकडे कृषी विभागाने पाठवले आहेत. अहवाल आल्यानंतर साठा बनावट आहे की नाही हे सिद्ध होणार.

06/08/2019,12:39PM
Picture

चंद्रकांत पाटील यांच्याकडून पूरग्रस्त भागाची पाहणी

पिंपरी चिंचवड : पालकमंत्री चंद्रकांत पाटील यांच्याकडून पूरग्रस्त भागाची पाहणी. स्थलांतरित नागरिकांशी संवाद साधला. पूर स्थितीवर लक्ष, नागरिकांची सुरक्षितता ही पहिली प्राथमिकता. पाऊस संपल्यानंतर नागरिकांना झालेल्या नुकसानीची भरपाई देणे हा नंतरचा टप्पा – चंद्रकांत पाटील

06/08/2019,11:20AM
Picture

कोल्हापुरात पूरस्थिती गंभीर

कोल्हापुरातील पूरस्थिती गंभीर, पण घाबरु नका, अफवांवर विश्वास ठेवू नका, सर्वांना मदत मिळेल, खासदार छत्रपती संभाजीराजेंचं आवाहन

06/08/2019,11:19AM
Picture

मुंबई-नाशिक कसारा घाट मार्ग 1 महिना बंद राहणार

मुंबई-नाशिक कसारा घाट मार्ग 1 महिना बंद राहणार आहे. त्यामुळे वाहतुकीवर याचा मोठा परिणाम होणार आहे. येथील रस्त्याला मोठे तडे जाऊन दोन भाग पडले आहे. याचा दुरुस्ती करणासाठी हा रस्ता बंद ठेवण्यात येणार आहे.

06/08/2019,10:29AM
Picture

मुंबईतील कोळीवाड्यात प्लॅस्टिकच्या पिशवीत लहान मुलाचा मृतदेह

मुंबईत मालाड येथील कोळीवाड्यात प्लॅस्टिकच्या पिशवीत लहान मुलाचा मृतदेह सापडला आहे. या घटनेमुळे परिसरात एकच खळबळ माजली आहे. सकाळी मासेमारीसाठी जात असतना स्थानिकांना हा मृतदेह दिसला. सध्या पोलीस या घटनेचा अधिक तपास करत आहेत.

06/08/2019,10:18AM
Picture

नागपुरात गुंडांकडून 20 पेक्षा अधिक वाहनांची तोडफोड

गुंडांकडून 20 च्या वर वाहनांची तोडफोड केल्याची घटना नागपुरात घडली आहे. ही घटना नागपुरातील बजेरिया परिसरात घडली. रविवारी मध्यरात्रीच्या सुमारास बजेरिया परिसरात दुचाकीवरुन आलेल्या दोन गुंड प्रवृत्तीच्या व्यक्तींनी अनेक गाड्यांची तोडफोड केली. घराबाहेर पार्क करुन ठेवलेल्या चार चाकी वाहनांचा यात समावेश आहे. रविवारी मध्यरात्री दुचाकीवर येऊन या गुंडांनी परिसरात दहशत माजवण्याचा प्रयत्न केला. परिसरातील सीसीटीव्हीमध्ये हे गुंड कैद झाले असून पोलीस त्यांच्या शोध घेत आहेत.

06/08/2019,9:39AM
Picture

आज मध्यरात्रीपासून बेस्ट कर्मचारी संपावर जाण्याची शक्यता

आज मध्यरात्रीपासून बेस्ट कर्मचारी संपावर जाणार, असा इशारा बेस्ट कामगार संघटनांनी दिला आहे. आज संध्याकाळी बेस्ट संपावर निर्णय होणार आहे. आज दुपारी 2 वाजता बेस्ट भवन येथे कामगार संघटना व बेस्ट प्रशासन यांच्यात महत्वाची बैठक होणार आहे. या बैठकीनंतर संपावर जाण्याचा निर्णय घेतला जाईल.

06/08/2019,9:27AM
Picture

पुण्यात विद्युत केंद्रात पाणि शिरलं

पुण्याजवळील भाटघर धरणाचे पाणी विद्युत केंद्रात शिरले. त्यामुळे भोरसह तालुक्यातील 60 गावं अंधारात गेली आहेत. या केंद्रातून निघणाऱ्या सर्व 5 वाहिन्यांचा वीजपुरवठा खंडीत करण्यात आला आहे. पर्यायी वीजपुरवठा सुरु करण्याचे प्रयत्न युद्धपातळीवर सुरु आहेत.

06/08/2019,9:17AM
Picture

सलग चौथ्या दिवशी गोदावरी नदीला पूर

औरंगाबादमध्ये गोदावरी नदीला पूर आल्याने जनजीवन विस्कळीत झालं आहे. सलग चौथ्या दिवशीही गोदावरी नदीला पूर आला आहे. कायगाव टोका परिसरातील मंदिरांभोवती पाण्याचा विळखा आहे. तसेच येथील शेतांमध्ये आणि घरांमध्ये पुराचे पाणी शिरलं आहे. नगर आणि औरंगाबाद जिल्ह्याचा संपर्क तुटला असून वाहतुकीवरही याचा परिणाम झाला आहे.

06/08/2019,8:02AM
Picture

कोल्हापुराला पुराचा फटका

सलग पडणाऱ्या पावसामुळे कोल्हापूरमध्ये पूरग्रस्त परिस्थिती निर्माण झाली आहे. सुमारे 10 हजार लोकांचे स्थलातंर आतापर्यंत करण्यात आले आहे. येथील बचावकार्यसाठी NDRF च्या दोन तुकड्याही दाखल झाल्या आहेत. महामार्गावर पाणी आल्याने वाहतूकही ठप्प झाली आहे. बंगळुरुला जाणारी वाहने किणी, तर पुण्याकडे जाणारी वाहने कोगणोळी टोल नाक्यावर थांबवली आहेत.

06/08/2019,7:56AM
Picture

सलग तिसऱ्या दिवशी चिपळूणला पुराच्या पाण्याचा धोका

रत्नागिरी : सलग तिसऱ्या दिवशी चिपळूणला पुराच्या पाण्याचा धोका निर्माण झाला आहे. मुसळधार पावसामुळे शहरात पुन्हा पुराचे पाणी शिरण्यास सुरवात झाली. जुना बस स्टँड, चिंचनाका, खेर्डी, भाजी मार्केट परिसरात मोठ्या प्रमाणात पाणी पावसाचा जोर आजही कायम आहे. मुसळधार पावसामुळे अनेक भागातली बस सेवा कोलमडली असून मुंबई-गोवा महामार्ग ठप्प झाला आहे.

06/08/2019,7:51AM
Picture

मुंबई-गोवा राष्ट्रीय महामार्गावर झाड कोसळले

रायगड पोलादपूर येथील मुंबई-गोवा राष्ट्रीय महामार्गावर महाकाय झाड कोसळले. यामध्ये एका कारच आणि तीन दुचाकीचा चक्काचूर झाला. झाड पडल्यामुळे येथील वाहतुकीवर परिणाम झाला आहे. छोट्या वाहनांची पोलादपूर बाजारपेठेतून तर मोठ्या वाहनांची महाड राजेवाडी विन्हेरे मार्गे वाहतूक सुरु केली आहे.

06/08/2019,7:47AM
कमेंट करा

कमेंट करा

Your email address will not be published. Required fields are marked *