दिलासादायक! राज्यात आज 8,602 नव्या रुग्णांची नोंद, 170 कोरोनाबाधित रुग्णांचा मृत्यू
राज्यातील कोरोना संक्रमणाचं प्रमाण हळूहळू कमी होत असल्याचं चित्र निर्माण झालंय. त्यामुळे येत्या काही दिवसांत महाराष्ट्र पुन्हा अनलॉक होण्याची शक्यता वर्तवण्यात येत आहे.
मुंबईः राज्यात कोरोनाच्या दुसऱ्या लाटेनं थैमान घातलेलं असून, रुग्णांची संख्याही मोठ्या प्रमाणात वाढत होती. कोरोनाची साखळी तोडण्यासाठी ठाकरे सरकारनं केलेल्या प्रयत्नांनाही यश येताना दिसतंय. राज्यात आज 8,602 रुग्ण सापडलेत. राज्यातील कोरोना संक्रमणाचं प्रमाण हळूहळू कमी होत असल्याचं चित्र निर्माण झालंय. त्यामुळे येत्या काही दिवसांत महाराष्ट्र पुन्हा अनलॉक होण्याची शक्यता वर्तवण्यात येत आहे. (Maharashtra Corona Virus The Maharashtra Today 14 july 2021 Found 8,602 New Patients)
राज्यात आज 8,602 नवीन रुग्णांचे निदान
राज्यात आज 8,602 नवीन रुग्णांचे निदान झाले असून, राज्यात आज 170 कोरोनाबाधित रुग्णांचा मृत्यू झालाय. त्यामुळे मृत्यूदर हा 2.04 टक्के एवढा झालाय. राज्यात आज 8,602 नवीन रुग्ण सापडल्यानंतर आज रोजी एकूण 1,06,764 सक्रिय रुग्ण आहेत. आता राज्यातील कोरोनाबाधित रुग्णांची एकूण संख्या 61,81,247 झालीय.
#CoronavirusUpdates १४ जुलै, संध्या. ६:०० वाजता
२४ तासात बाधित रुग्ण – ६३५
२४ तासात बरे झालेले रुग्ण – ५८२ बरे झालेले एकूण रुग्ण – ७०४२५९ बरे झालेल्या रुग्णांचा दर – ९६%
एकूण सक्रिय रुग्ण- ६९८९
दुप्पटीचा दर- ९२८ दिवस कोविड वाढीचा दर ( ७ जुलै ते १३ जुलै)- ०.०७ % #NaToCorona
— माझी Mumbai, आपली BMC (@mybmc) July 14, 2021
राज्यात आज 6,067 रुग्ण बरे होऊन घरी गेलेत
राज्यात आज 6,067 रुग्ण बरे होऊन घरी गेलेत, राज्यात आजमितीस एकूण 59,44,801 कोरोनाबाधित रुग्ण बरे होऊन घरी गेलेत. यामुळे राज्यातील रुग्ण बरे होण्याचे प्रमाण (Recovery Rate) 96.17 % एवढे झाले. आजपर्यंत तपासण्यात आलेल्या 4,46,09,276 प्रयोगशाळा नमुन्यांपैकी 61,81,247 (13.86 टक्के) नमुने पॉझिटिव्ह आलेत. सध्या राज्यात 5,80,771 व्यक्ती होम क्वारंटाईनमध्ये आहेत, तर 4,309 व्यक्ती संस्थात्मक क्वारंटाईनमध्ये आहेत.
मुंबईतील रुग्ण दुप्पट होण्याच्या कालावधीतही वाढ
कोरोनाचे हॉटस्पॉट ठरलेली मुंबई कोरोनाच्या विळख्यातून मुक्त होताना दिसत आहे. गेल्या काही दिवसांपासून मुंबईत कोरोना रुग्णांच्या संख्येत घट होत आहे. तसेच बरे झालेल्या रुग्णांचे प्रमाणही मोठ्या प्रमाणात वाढलेय. त्याशिवाय मुंबईतील रुग्ण दुप्पट होण्याच्या कालावधीतही वाढ झाली. त्यामुळे मुंबईकरांना दिलासा मिळाला आहे.
मुंबईत दिवसभरात 635 रुग्णांची नोंद
मुंबईत दैनंदिन रुग्णसंख्येत कमालीची घट होत आहे. तर मुंबईतील बरे झालेल्या रुग्णांचा दर 96 टक्क्यांवर पोहोचलाय. तर रुग्ण दुप्पट होण्याचा कालावधी 928 दिवसांवर गेलाय. त्यामुळे मुंबईत कोरोनाचा प्रादुर्भाव हा कमी होत असल्याचे चित्र पाहायला मिळत आहे. मुंबई शहरासह उपनगरात दिवसभरात 582 रुग्ण बरे होऊन घरी गेलेत. तर आतापर्यंत एकूण 7 लाख 04 हजार 259 रुग्णांनी कोरोनावर मात केलीय. त्यामुळे सध्या मुंबईत 6989 रुग्ण सक्रिय आहे. मुंबईत दिवसभरात 635 रुग्णांची नोंद झालीय.
संबंधित बातम्या
व्होकार्ट हॉस्पिटल अर्धनग्न आंदोलनप्रकरणी तब्बल 10 दिवसांनी जितेंद्र भावेंवर गुन्हा दाखल
कोरोनामुळे हजारो कैदी पॅरोलवर बाहेर, रोजगाराच्या प्रश्नामुळे पुन्हा तुरुंगात जाण्याची इच्छा
Maharashtra Corona Virus The Maharashtra Today 14 july 2021 Found 8,602 New Patients