वाढदिवसाच्या शुभेच्छासाठी गर्दी नको, CM Fund साठी निधी द्या, अजित पवारांचं आवाहन

राज्यातील कोरोना संकटाच्या पार्श्वभूमीवर उपमुख्यमंत्री अजित पवार (Ajit Pawar) यांनी त्यांचा वाढदिवस साजरा न करण्याचा निर्णय घेतला आहे.

वाढदिवसाच्या शुभेच्छासाठी गर्दी नको, CM Fund साठी निधी द्या, अजित पवारांचं आवाहन
AJIT PAWAR

मुंबई : राज्यातील कोरोना संकटाच्या पार्श्वभूमीवर उपमुख्यमंत्री अजित पवार (Ajit Pawar) यांनी त्यांचा वाढदिवस साजरा न करण्याचा निर्णय घेतला आहे. तसेच कार्यकर्ते आणि हितचिंतकांनी माझ्या वाढदिवसानिमित्त कोणत्याही प्रकारचे जाहीर कार्यक्रम आयोजित करु नयेत, गर्दी जमवू नये, प्रत्यक्ष भेटीसाठी येणे टाळावे, पुष्पगुच्छ पाठवू नयेत, वाढदिवसाच्या शुभेच्छा दूरध्वनीवरुन किंवा डिजिटल स्वरुपात व्यक्त कराव्यात. सर्वांनी कोरोनाप्रतिबंधक नियमांचे पालन करुन महाराष्ट्राला कोरोनामुक्त करण्याच्या लढाईत योगदान द्यावे, असे आवाहन उपमुख्यमंत्र्यांनी केले आहे. (Maharashtra Deputy CM Ajit Pawar will not celebrate his birthday due to Corona pandemic appealed people give funds for Corona battle)

कोरोनाचा धोका टाळण्यासाठी  वाढदिवस साजरा न करण्याचा निर्णय

उपमुख्यमंत्री अजित पवार यांचा येत्या गुरुवारी, दि. 22 जुलै रोजी वाढदिवस आहे. उपमुख्यमंत्र्यांच्या वाढदिवशी त्यांना शुभेच्छा देण्यासाठी कार्यकर्ते, हितचिंतक, नागरिकांची होणारी गर्दी व त्यामुळे वाढणारा कोरोनाचा धोका टाळण्यासाठी उपमुख्यमंत्र्यांनी त्यांचा वाढदिवस साजरा न करण्याचा निर्णय घेतला आहे.

खर्च होणारा निधी कोविडविरोधी लढ्यासाठी द्या

कार्यकर्ते व हितचिंतकांनीही गर्दी जमवणारे कोणतेही कार्यक्रम आयोजित न करता त्यासाठी खर्च होणारा निधी मुख्यमंत्री सहायता निधीसारख्या कोविडविरोधी लढ्यासाठी द्यावा. मान्यताप्राप्त यंत्रणांच्या सहकार्याने, कोरोना प्रतिबंधक नियमांचे पालन करुन रक्तदान शिबिरांसारखे लोकोपयोगी कार्यक्रम आयोजित करावेत, असे आवाहन उपमुख्यमंत्र्यांनी केले आहे.

इतर बातम्या :

हातात बंदूक घेऊन व्हॉट्सअ‍ॅप स्टेटसमध्ये व्हिडीओ, कोल्हापुरात तिघांना अटक

नेहमीची मर्सिडीज नाही, आदित्य ठाकरेंची रेंज रोव्हर दिमतीला, तुफान पावसात मुख्यमंत्री पंढरपूरच्या दिशेने

Mumbai Rains Live Updates | मुंब्रा शीळ फाटा ते पनवेल-हायवे वाहतुकीसाठी बंद

(Maharashtra Deputy CM Ajit Pawar decided not to celebrate birthday due to Corona pandemic

Published On - 3:59 pm, Mon, 19 July 21

Click on your DTH Provider to Add TV9 MARATHI