बाबासाहेबांना अभिवादन करण्यासाठी चैत्यभूमीवर भीमसागर
मुंबई : भारतरत्न डॉ. बाबासाहेब आंबेडकर यांच्या 128 व्या जयंतीनिमित्त दादर चैत्यभूमी येथे मोठ्या प्रमाणात आंबेडकरी अनुयायी दर्शनासाठी आले आहेत. बाबासाहेबांच्या जयंतीनिमित्त अभिवादन करण्यासाठी दरवर्षी राज्याच्या कानाकोपऱ्यातून लाखो अनुयायी येत असतात. तसेच महापालिकेतर्फे येथे जय्यत तयारी करण्यात आली आहे. यासोबतच चैत्यभूमीवर थोड्याचवेळात मुख्यमंत्री देवेंद्र फडणवीसही दर्शनासाठी येणार आहेत. आज महाराष्ट्रासह देशभरात डॉ. बाबासाहेब आंबेडकर जयंती […]
मुंबई : भारतरत्न डॉ. बाबासाहेब आंबेडकर यांच्या 128 व्या जयंतीनिमित्त दादर चैत्यभूमी येथे मोठ्या प्रमाणात आंबेडकरी अनुयायी दर्शनासाठी आले आहेत. बाबासाहेबांच्या जयंतीनिमित्त अभिवादन करण्यासाठी दरवर्षी राज्याच्या कानाकोपऱ्यातून लाखो अनुयायी येत असतात. तसेच महापालिकेतर्फे येथे जय्यत तयारी करण्यात आली आहे. यासोबतच चैत्यभूमीवर थोड्याचवेळात मुख्यमंत्री देवेंद्र फडणवीसही दर्शनासाठी येणार आहेत.
आज महाराष्ट्रासह देशभरात डॉ. बाबासाहेब आंबेडकर जयंती जल्लोषात साजरी केली जाते. भारताचे पंतप्रधान नरेंद्र मोदी यांनीही आज ट्विटरवरुन डॉ. बाबासाहेबांना अभिवादन केलं आहे. यावर मोदींनी बाबासाहेबांवर एक व्हिडीओही पोस्ट केला आहे. यामध्ये बाबासाहेबांच्या कार्याबद्दल माहिती देण्यात आली आहे.
संविधान निर्माता और सामाजिक न्याय के प्रणेता बाबासाहेब डॉ. भीमराव अम्बेडकर को उनकी जयंती पर सादर नमन। जय भीम! pic.twitter.com/KIZVJC725r
— Chowkidar Narendra Modi (@narendramodi) April 14, 2019
चैत्यभूमी आणि दीक्षाभूमी येथे काल रात्रीपासून मोठ्या संख्येने अनुयायी बाबासाहेबांना अभिवादन करण्यासाठी येत आहेत. चैत्यभूमीवर मोठ्या प्रमाणात पोलीस बंदोबस्तही ठेवण्यात आला आहे. तसेच अनेक राजकीय मंडळीही आज दर्शनासाठी येथे येणार आहेत.
14 एप्रिल हा दिवस संपूर्ण देशभरात डॉ. बाबासाहेब आंबडेकर जयंती म्हणून साजरा केला जातो. याच दिवशी म्हणजे 14 एप्रिल 1891 रोजी बाबासाहेब आंबेडकर यांचा जन्म मध्यप्रदेशमधील महू या गावी झाला होता. देशात मोठ्या संख्येने बाबासाहेबांना मानणारा वर्ग आहे.