महानगरपालिकेच्या तिजोरीत खडखडाट झाल्याने आर्थिक गाडा डगमगला, काय आहेत तूटीची कारणे ?
स्थायी समितीला 227 कोटी रुपयांचे अंदाजपत्रक देत 2437 कोटी रुपयांचे मंजूर कामाचे दायित्व दाखवत अंदाजपत्रक प्रशासनाने सादर केले होते.
नाशिक : नाशिक महानगर पालिकेची सध्याची आर्थिक नाजुक आहेत. डिसेंबर महिन्यात केला जाणारा ताळेबंद बघता साधारणपणे 400 कोटी रुपयांची तूट दिसून येत आहे. त्यामुळे नाशिक महानगर पालिकेचा यंदाच्या वर्षाचा आर्थिक गाडा डगमगला आहे. याचा थेट परिणाम हा नाशिक शहरातील विकासकामांवर होणार आहे. नाशिकमहानगर पालिकेच्या महासभेत अंदाजपत्रकानुसार कामकाज करत असतांना अनेक विकासकामांना ब्रेक लागला असता, त्यामुळे तत्कालीन आयुक्त रमेश पवार यांनी प्रशासकीय अंदाजपत्रकाप्रमाणे काम सुरू केले होते, तरी देखील मोठी तफावत असल्याने महापालिकेच्या उत्पन्नात मोठी घट झाल्याचे दिसून येत आहे. करवसूली देखील मोठ्या प्रमाणात घटली असल्याने मागील महिन्यात ढोल बजाओ मोहीम करत लाखों रुपयांची वसूली करण्यात आली होती. त्यात ऑनलाईन परवानग्या सुरू केल्याचा मोठा फटका बसल्याची पालिका वर्तुळात जोरदार चर्चा आहे.
2022-23 या वर्षात 227 कोटी रुपयांचे अंदाजपत्रक प्रशासनाच्या वतिने स्थायी समितीला सादर करण्यात आले होते, त्यामध्ये स्थायी समितीने मोठी वाढ केली होती.
स्थायी समितीने 227 कोटी रुपयांचे अंदाजपत्रक 2437 कोटी रुपयांचे मंजूर कामाचे दायित्व दाखवत अंदाजपत्रक प्रशासनाने सादर केले होते.
त्यामध्ये स्थायी समितीनेही अतिरिक्त कामांची वाढ केल्याने 2567 कोटी रुपयांवर हे अंदाजपत्रक जाऊन पोहचले होते. दरम्यान, पालिकेची आर्थिक परिस्थिती बघता तत्कालीन आयुक्तांनी अतिरिक्त कामे रद्द केली होती.
मात्र, तरीही माहीपालिकेवर मोठा आर्थिक ताण आलेला आहे, प्रशासकीय अंदाजपत्रकाप्रमाणेच काम सुरू असल्याची स्थिती असून साधारणपणे सध्या 400 कोटी रुपयांची तूट भरून काढावी लागणार आहे.
दरम्यान महापालिकेला कर्ज घ्यावे लागेल अशी स्थिती नाही. महापालिकेच्या ठेवीमध्ये मोठी वाढ झाली असून दुसरीकडे स्लिपओव्हर देखील घटला आहे.