चिपळूणमध्ये माजी सैनिकाचा मृतदेह बिलासाठी अडवला, नातेवाईकांचा रुग्णालयावर आरोप, शिवसेनेचा आरोग्यमंत्र्यांकडे तक्रार करण्याचा इशारा
कोविड संसर्ग झाल्याने खेड येथील रमेश मोरे या माजी सैनिकाला चिपळूणातील सिद्धिविनायक हॉस्पिटलमध्ये दाखल करण्यात आलं होतं. Ramesh More died due to covid
रत्नागिरी: कोविड संसर्ग झाल्याने खेड येथील रमेश मोरे या माजी सैनिकाला चिपळूणातील सिद्धिविनायक हॉस्पिटलमध्ये दाखल करण्यात आलं होतं. 12 दिवस उपचारानंतर त्यांचा काल मृत्यू झाला. उपचाराचं बील साडेचार लाख रुपये झालं होतं, नातेवाईकांनी 4 लाख भरलेही. मात्र, राहिलेले पैसे भरा अन्यथा रमेश मोरे यांचा मृतदेह मिळणार नाही, अशी अडवणूक येथील डॉक्टरांनी केली असा आरोप रुग्णाच्या नातेवाईकांनी केलाय. रुग्णालयातील डॉक्टरांनी नातेवाईकांचा हा आरोप फेटाळला आहे. (Chiplun Siddhivinayak hospital Bill issue of ex-serviceman Ramesh More who died due to covid)
शिवसेना आरोग्यमंत्र्यांकडे तक्रार करणार
माजी सैनिकाचा मृतदेह बिलासाठी अडवल्याचं समजताच शिवसेना तालुका प्रमुख प्रतापराव शिंदे आणि विनोद झगडे चांगलेच आक्रमक झाले. हॉस्पिटलच्या विरोधात आम्ही आरोग्यमंत्र्यांकडे तक्रार करू असा इशाराही त्यांनी दिला.
तक्रार आली तर कारवाई करु, प्रशासनाची भूमिका
दरम्यान, कोविड काळात ज्यादा बिल आकारणाऱ्या हॉस्पिटल विरोधात रीतसर तक्रार आल्यास कारवाई करू, अशी महिती येथील प्रांत अधिकारी प्रवीण पवार यांनी दिली. काल रमेश मोरे यांच्या निधनानंतर सिद्धिविनायक हॉस्पिटलच्या बाहेर चांगलाच गोधळ उडाला, पोलीस निरीक्षक देवेंद्र पोळ यांनी घटनास्थळी जाऊन वातावरण शांत केले.
रुग्णालयानं आरोप फेटाळले
सिद्धिविनायक हॉस्पिटलचे डॉ. पुजारी यांनी हे सर्व आरोप फेटाळून लावलेत. याउलट हॉस्पिटलमध्ये भरलेले पैसे नातेवाईक परत मागत होते, असा पलटवार पुजारी यांनी केलाय. तर काल सकाळी मृत्यू होऊनही रुग्णाचा मृतदेह सायंकाळी 7 वाजता ताब्यात मिळाला आणि मग अंत्यसंस्कार झाले.
महाराष्ट्रासाठी मोठी बातमी, उद्यापासून राज्यात 30 ते 44 वयोगटासाठी लसीकरणास सुरुवातhttps://t.co/sBMlFhxUmn#CoronaVaccination #Maharashtra #RajeshTope @rajeshtope11
— TV9 Marathi (@TV9Marathi) June 18, 2021
इतर बातम्या:
Chiplun Siddhivinayak hospital Bill issue of ex-serviceman Ramesh More who died due to covid