महाविकास आघाडीने मित्रपक्षांचा विचार न केल्यास भविष्यात वेगळी भूमिका घेवू; जोगेंद्र कवाडेंचा इशारा
1998 पासून आम्ही कॉग्रेस पक्षासोबत आहोत. आम्ही यापूर्वीही कॉग्रेस आघाडीसोबत राहिलो. परंतू आता सत्तेवर आल्यानंतर महाविकास आघाडी सरकारमधील नेतेमंडळींना मित्रपक्षांचा विसर पडला आहे, अशी खंत जोगेंद्र कवाडे यांनी व्यक्त केली आहे.
मुंबई : 1998 पासून आम्ही कॉग्रेस पक्षासोबत आहोत. आम्ही यापूर्वीही कॉग्रेस आघाडीसोबत राहिलो. परंतू आता सत्तेवर आल्यानंतर महाविकास आघाडी सरकारमधील नेतेमंडळींना मित्रपक्षांचा विसर पडला आहे. मंत्रीपदात नाहीतर किमान आम्हाला सत्तेत वाटा तरी द्यायला पाहिजे, असे मत व्यक्त करीत पीपल्स रिपब्लिकन पक्षाचे नेते प्रा. जोगेंद्र कवाडे यांनी नाराजी व्यक्त केली. पीपल्स रिपब्लिकन पक्षाच्या मेळाव्याच्या निमित्ताने परभणी येथे आले असता प्रा. कवाडे हे पत्रकारांशी बोलत होते. (If Mahavikas Aghadi does not consider allies, we will play a different role in the future : Jogendra Kawade)
महाविकास आघाडीने आमचा विचार न केल्यास भविष्यात वेगळी भुमिका घेवू तसेच येणार्‍या सर्व निवडणूका स्वबळावर लढविण्यात येणार असल्याचही कवाडे म्हणाले. डॉ. बाबासाहेब आंबेडकर यांच्या स्मरणार्थ नागपूर महानगरपालिकेने उभारलेले डॉ. बाबासाहेब आंबेडकर सांस्कृतिक भवन महाराष्ट्र टुरिझम डेव्हलपमेंट कॉर्पोरेशनने महानगरपालिकेची परवानगी न घेता उध्वस्त केले आहे. हे आंबेडकर भवन आहे त्याच ठिकाणी पुन्हा उभारण्यात यावे, अशी आग्रही मागणी पीपल्स रिपब्लिकन पार्टीचे राष्ट्रीय अध्यक्ष जोगेंद्र कवाडे यांनी केली आहे.
संविधानाचे शिल्पकार डॉ. बाबासाहेब आंबेडकर यांच्याबद्दल असलेल्या द्वेषापोटी सांस्कृतिक भवन जमीनदोस्त करण्यात आल्याची भावना आंबेडकरी जनतेमध्ये निर्माण झाली असल्याचे कवाडे म्हणाले. परभणी जिल्ह्याचा आढावा घेवून प्रश्न समजून घेतले आहेत. जगभरात नाव झालेल्या परभणीला महानगरपालिका प्रशासन व स्थानिक नेत्यांनी खड्डयातून बाहेर काढावे, अशी अपेक्षा व्यक्त करीत रस्त्यांचा प्रामाणिकपणे विकास करणे हे जिल्ह्यातील लोकप्रतिनिधींचे कर्तव्य असून त्यांनी ही जबाबदारी पार पाडायलाच हवी, असेही ते म्हणाले.
इतर बातम्या
(If Mahavikas Aghadi does not consider allies, we will play a different role in the future : Jogendra Kawade)
