Migrant Labors | पुणे जिल्ह्यात 39 विश्रांतीगृहांची व्यवस्था, स्थलांतरित मजुरांना आधार

जिल्ह्यातील राष्ट्रीय महामार्गावरुन मोठ्या प्रमाणात मजुरांचे स्थलांतर होत आहे. ऊन, वारा, पावसात रात्रंदिवस हे स्थलांतर सुरु आहे.

  • पांडुरंग रायकर, टीव्ही 9 मराठी, पुणे
  • Published On - 23:29 PM, 12 May 2020
Migrant Labors | पुणे जिल्ह्यात 39 विश्रांतीगृहांची व्यवस्था, स्थलांतरित मजुरांना आधार

पुणे : जिल्हाधिकाऱ्यांच्या निर्देशानंतर पुणे जिल्ह्यात (Pune Migrant Labors ) 39 विश्रांतीगृहांची व्यवस्था करण्यात आली आहे. जिल्ह्यातील महामार्गावरुन स्थलांतरित मजुरांसाठी विश्रांतीगृहाची व्यवस्था करण्यात आली आहे. या विश्रांतीगृहात आतापर्यंत 2 हजार 212 स्थलांतरित मजुरांनी आसरा घेतला. पुणे-बंगळुरु, पुणे-नगर, पुणे-सोलापूर, पुणे-नाशिक आणि पुणे-मुंबई या महामार्गांवर विश्रांतीगृह आहेत. या विश्रांतीगृहात नाष्ता, जेवण आणि शौचालयाची (Pune Migrant Labors ) सुविधा उपलब्ध आहे.

जिल्ह्यातील 13 पैकी 11 तालुक्यात आतापर्यंत विश्रांतीगृहाची व्यवस्था करण्यात आली आहे. आंबेगाव तालुक्यात दोन विश्रांतीगृह, बारामती एक, भोरमध्ये 3, दौंडमध्ये 7, हवेलीत 3, इंदापूरला दोन विश्रांतीगृह आहेत. तर जुन्नर एक, खेड येथे चार, मावळ येथे आठ, पुरंदर येथे एक आणि शिरुरला सात विश्रांतीगृह आहेत.

या विश्रांतीगृहांचा आतापर्यंत 2,212 स्थलांतरित मजुरांनी लाभ घेतला आहे. दौंडमध्ये 1,050, हवेलीत 118, खेडमध्ये 549, मावळमध्ये 96, शिरुरमध्ये 265 आणि पुरंदरमध्ये 70 स्थलांतरितांनी (Pune Migrant Labors) आसरा घेतला आहे.

जिल्ह्यातील राष्ट्रीय महामार्गावरुन मोठ्या प्रमाणात मजुरांचे स्थलांतर होत आहे. ऊन, वारा, पावसात रात्रंदिवस हे स्थलांतर सुरु आहे. त्या पार्श्वभूमीवर जिल्हाधिकारी नवल किशोर राम यांनी विश्रांतीगृहाची व्यवस्था करण्याचे निर्देश दिले होते. ठराविक अंतरावर मंगल कार्यालय, ढाबा अथवा अन्य सार्वजनिक ठिकाणी सोय करण्याचे आदेश त्यांनी दिले.

या विश्रांतीगृहात मजुरांना हात धुण्याची सोय, सॅनीटायझर उपलब्ध करुन द्यावं. सोशल डिस्टन्सिंगचं पालन होईल, याची दक्षता घ्यावी. विश्रामगृहाच्या ठिकाणी पोलीस बंदोबस्त गरजेनुसार तैनात करावा, अशाही सूचना करण्यात आल्या आहेत.

तर विश्रांतीगृहात येणाऱ्या प्रत्येक नागरिकाची नोंद ठेवावी. मजुरांचा संपर्क क्रमांक, स्वाक्षरी, पत्ता रजिस्टरमध्ये नमूद करावं. याबाबतचा दैनंदिन अहवाल ग्रामपंचायतीने तहसिलदार आणि गट विकास अधिकारी यांना सादर करण्याचे निर्देश (Pune Migrant Labors) दिलेत.

संबंधित बातम्या :

Lockdown wedding : 4 पाहुणे मुलाकडचे, 4 पाहुणे मुलीकडचे, पुण्यात चंद्रकांत पाटलांच्या उपस्थितीत विवाह सोहळा

Pune corona death | पुण्यात ‘या’ वयोगटातील तब्बल 80 कोरोनाबाधित रुग्णांचा मृत्यू

Pune Corona | पुण्यात साडे सात लाख नागरिकांची तपासणी होणार, महापालिकेचं नियोजन

भवानी पेठेत कोरोनाचा कहर, 500 च्या वर कोरोनाबाधित रुग्ण